وقۋشىلار ءتورت بىردەي مەدال يەلەنىپ، ەلىمىزدىڭ جاس ماتەماتيكتەر دايارلاۋداعى الەۋەتىن تاعى ءبىر مارتە الەمگە پاش ەتتى - دەپ حابارلايدى وقۋ-اعارتۋ مينيسترلىگىنىڭ ءباسپاسوز قىزمەتى. بيىل پريشتينا قالاسىندا (كوسوۆو) وتكەن حالىقارالىق بايقاۋعا الەمنىڭ 52 ەلىنەن 219 وقۋشى قاتىستى. قازاقستان اتىنان ءتورت وقۋشى جانە ەكى جەتەكشى قاتىستى.
وليمپيادا قورىتىندىسى بويىنشا قازاقستان قۇراماسىنىڭ بارلىق قاتىسۋشىلارى جۇلدەلى ورىندارعا يە بولدى:
يۋليا كاتۋنينا - كۇمىس جۇلدەگەر – پاۆلودار قالاسىنداعى №8 دارىندى بالالارعا ارنالعان ليتسەيىنىڭ 10 سىنىپ وقۋشىسى;
اراي كاسەنوۆا – قولا جۇلدەگەر-الماتى قالاسىنداعى «Haileybury Almaty» حالىقارالىق مەكتەبىنىڭ 11 سىنىپ وقۋشىسى;
انار ديداربەكوۆا – قولا جۇلدەگەر - الماتى قالاسىنىڭ №39 س.ا.حودجيكوۆ اتىنداعى مامانداندىرىلعان ليتسەيىنىڭ 11 سىنىپ وقۋشىسى;
ارۋجان قايرات – قولا جۇلدەگەر-الماتى قالاسىنىڭ №39 س.ا.حودجيكوۆ اتىنداعى مامانداندىرىلعان ليتسەيىنىڭ 10 سىنىپ وقۋشىسى.
قىزدارعا ارنالعان ەۋروپالىق ماتەماتيكالىق وليمپيادا العاش رەت 2012 جىلى ۇلىبريتانيانىڭ كەمبريدج قالاسىندا وتكەن بولاتىن. قازاقستان قۇراماسى بۇل بەدەلدى ءبىلىم بايگەسىنە 2017 جىلدان بەرى تۇراقتى تۇردە قاتىسىپ كەلەدى. وسى ۋاقىت ارالىعىندا ەلىمىزدىڭ دارىندى قىزدارى 3 التىن، 12 كۇمىس، 15 قولا مەدال مەن 4 قۇرمەت گراموتاسىن يەلەندى.
حالىقارالىق دەڭگەيدە قازاقستاننىڭ ابىرويىن اسقاقتاتقان جەڭىمپازداردى، ولاردىڭ اتا-انالارىن، جەتەكشىلەرىن جانە مەكتەپ ۇجىمدارىن شىن جۇرەكتەن قۇتتىقتايمىز!