قازاقستاندىق رەجيسسەر الينا مۇستافينانىڭ «پريانيكي دليا ەيو وتتسا، موەگو پرادەدا، ەيو دەدا» ءفيلمى يتاليانىڭ بولتسانو قالاسىندا 4-13 ءساۋىر ارالىعىندا ءوتىپ جاتقان 38-ءشى Bolzano Film Festival Bozen فەستيۆالىنىڭ بايقاۋدان تىس باعدارلاماسىنا قاتىستى. اتالعان فيلم Piccole lingue DOC باعدارلاماسى اياسىندا كورسەتىلدى، بۇل باعدارلاما بولمىس پەن مۇرا تاقىرىپتارىن قامتيتىن دەرەكتى فيلمدەرگە ارنالعان.
كينوكارتينا قر مادەنيەت جانە اقپارات مينيسترلىگىنىڭ، ۇلتتىق كينو ورتالىعىنىڭ قولداۋىمەن تۇسىرىلگەن. ءوندىرىستى UVENT production كينوكومپانياسى جۇزەگە اسىردى. ءفيلمنىڭ پروديۋسەرلەرى – اقجول بي سارسەمباەۆ پەن ەركەجان ماقسۇت.
فيلمدە ليابيبا ەسىمدى كەيىپكەر 1944 جىلى ەكىنشى دۇنيەجۇزىلىك سوعىس كەزىندە قايتىس بولعان اكەسىنىڭ قابىرىن ىزدەيدى. تۋىندى ءتۇپ-تامىرىن تانىعىسى كەلگەن ءاربىر ادام ءۇشىن جان تەبىرەنتەرلىك.
بۇل جوبا بۇعان دەيىن دە حالىقارالىق دەڭگەيدە مويىندالىپ ۇلگەردى – ءفيلمنىڭ الەمدىك پرەمەراسى پۋسان كينوفەستيۆالىندە، ەۋروپالىق پرەمەراسى تۋريندە ءوتتى. كينوكارتينا الماتىداعى «باستاۋ» فەستيۆالىندە «جارقىن دەبيۋت» جۇلدەسىن، ال تەگەراندا وتكەن Cinéma Vérité فەستيۆالىندە «ۇزدىك حالىقارالىق فيلم» جۇلدەسىن جەڭىپ العان بولاتىن.
ايتا كەتۋ كەرەك، 1987 جىلى قۇرىلعان Bolzano Film Festival Bozen فەستيۆالى مادەني جانە تىلدىك ارتۇرلىلىككە ەرەكشە ءمان بەرەدى.
اقپاراتتىق قولداۋ نەگىزىندە