ونىڭ قانداي تالاپتار ەكەنىن ورتالىق كوممۋنيكاتسيالار قىزمەتىندە وتكەن بريفينگتە ابدىقالىقوۆ ءتۇسىندىرىپ بەردى. ونىڭ ايتۋىنشا، زاڭسىز كونتەنت نەمەسە جەكە دەرەكتەردىڭ سىرتقا شىعۋى انىقتالسا، پلاتفورما بۇعاتتالۋى مۇمكىن.
رۋسلان ابدىقالىقوۆ عالامتورداعى زاڭسىز كونتەنتتى قاداعالاپ، اقپاراتقا قولجەتىمدىلىكتى شەكتەۋگە مادەنيەت جانە اقپارات مينيسترلىگى جاۋاپتى ەكەنىن دە اتاپ ءوتتى.
"بىزگە ەلىمىزدىڭ ازاماتتارىنان TikTok پلاتفورماسىندا جەكە مالىمەتتەردى تاراتۋ فاكتىلەرى تۋرالى بىردە-ءبىر شاعىم تۇسكەن جوق. ەگەر ءبىز مۇنداي فاكتىلەردى انىقتاساق، تيىسىنشە، ءبىرىنشى كەزەكتە TikTok اكىمشىلىگىمەن تىكەلەي بايلانىسامىز. ەكىنشىدەن، بايلانىس تۋرالى زاڭناماعا سايكەس ەگەر ءبىزدىڭ كەلىسسوزىمىز ءساتسىز بولسا، ال ولار بۇيرىق شىعارىپ قويسا، ءبىز ءوز ارىپتەستەرىمىزگە جۇگىنەمىز. ەگەر قانداي دا ءبىر پلاتفورما ءبىزدىڭ ەلىمىزدىڭ زاڭدى تالاپتارىن ورىنداۋدان باس تارتسا، ءبىز ونىڭ قولدانىسىن شەكتەۋگە ءماجبۇر بولامىز. بۇل تەك TikTok-قا عانا قاتىستى ەمەس، كەز كەلگەن پلاتفورماعا قاتىستى", - دەدى ابدىقالىقوۆ.
تسيفرلىق دامۋ مينيسترلىگىنىڭ اقپاراتتىق قاۋىپسىزدىك كوميتەتى دە Telegram قازاقستاندا ءوز كەڭسەسىن اشىپ، رەسمي وكىلدى تاعايىنداۋدى جوسپارلاپ وتىرعانى تۋرالى اقپاراتتى راستادى.