وعان بىرىككەن ۇلتتار ۇيىمىنىڭ UN-Habitat ۇيىمى، بۇۇ-نىڭ قازاقستانداعى وكىلدەرى، قر پارلامەنتى ءماجىلىسىنىڭ دەپۋتاتتارى، قر ەكولوگيا جانە تابيعي رەسۋرستار ءمينيسترى ەرلان نىسانباەۆ قاتىستى.
ايماق باسشىسى نۇرلىبەك ماشبەكۇلى فورۋمنىڭ ماڭىزدىلىعىنا توقتالىپ، بارشا قاتىسۋشىلارعا العىسىن ءبىلدىردى.
«كەز كەلگەن مەملەكەتتىڭ الەۋمەتتىك-ەكونوميكالىق دامۋى قالالاردىڭ وركەندەۋىمەن تىكەلەي بايلانىستى. ال، وعان اسەر ەتەتىن بىردەن-ءبىر فاكتور – ۋرباندالۋ پروتسەسى. تۇرعىندارىمىزدىڭ ءال-اۋقاتىن ارتتىرۋ، جايلى كەڭىستىك قالىپتاستىرۋ، ەكولوگيالىق تازا ورتا قۇرۋ، ينفراقۇرىلىمدى تۇراقتى جاڭعىرتۋ، قالالاردى جاڭا تەحنولوگيالاردىڭ كومەگىمەن باسقارۋ – ءبىزدىڭ الدىمىزداعى ماڭىزدى مىندەتتەر. بۇل رەتتە ءتيىمدى باسقارۋ مەن دۇرىس جوبالاۋدىڭ ناتيجەسىندە عانا تۇراقتى دامۋ ماقساتتارىنا قول جەتكىزە الامىز.
بۇگىنگى فورۋم – وڭىرلەردىڭ تۇراقتى دامۋىنا وڭ سەرپىن بەرۋدەگى، ۋربانيستيكا سالاسىن جاڭا دەڭگەيگە شىعارۋداعى، ورتاق ماقساتتارعا قول جەتكىزۋدەگى ماڭىزدى قادام. فورۋمدا ايتىلعان تىڭ يدەيالار مەن مازمۇندى ۇسىنىس-پىكىرلەر الداعى جۇمىس بارىسىندا ءتيىمدى شەشىمدەر قابىلداۋعا مۇمكىندىك بەرەتىنىنە سەنىمدىمىز.
بۇگىنگى فورۋمنىڭ باس دەمەۋشىسى «كازپەترول گرۋپپ» كومپانياسىنا زور العىسىمىزدى بىلدىرەمىز.
تاۋەلسىز قازاقستاننىڭ كەمەل كەلەشەگى جولىنداعى ءاربىر باستامالارىڭىز جەمىستى، قىزمەتتەرىڭىز ناتيجەلى بولسىن!ەگەمەن ەلىمىزدى باسەكەگە قابىلەتتى ەتۋدە، تۇرعىندارىمىزدىڭ ءومىر ءسۇرۋ ساپاسىن ارتتىرۋدا پرەزيدەنتىمىزدىڭ تاپسىرمالارىن جوعارى دەڭگەيدە ورىنداپ، حالىقتىڭ زور قۇرمەتىنە بولەنە بەرگەيسىزدەر! ەل ىرگەسى بەرىك، تاۋەلسىزدىگىمىز تۇعىرلى بولعاي!»،- دەدى ن.نالىباەۆ.
قورىتىندى سەسسيادا قر ەكولوگيا جانە تابيعي رەسۋرستار ءمينيسترى، قازاقستانداعى بىرىككەن ۇلتتار ۇيىمىنىڭ تۇراقتى ۇيلەستىرۋشىسى ءوز پىكىرلەرىن ورتاعا سالدى. UN-Habitat ۇيىمىنىڭ اتقارۋشى ديرەكتورىنىڭ ورىنباسارى رافاەل تۋتس قورىتىندى ءسوز سويلەدى.
سوڭىندا قىزىلوردا وبلىسى مەن UN-Habitat ۇيىمى اراسىندا دەكلاراتسياعا قول قويۋ ءراسىمى ءوتتى.
قىزىلوردا وبلىسى اكىمىنىڭ ءباسپاسوز قىزمەتى