كولۋمبيانىڭ بۋكارامانگا قالاسىندا مەكتەپ وقۋشىلارى اراسىندا فيزيكادان 56-شى حالىقارالىق وليمپيادا (International Physics Olympiad, IPhO 2026) وتۋدە.
الەمدەگى ەڭ بەدەلدى زياتكەرلىك جارىستاردىڭ ءبىرى سانالاتىن وليمپيادا 4-12 شىلدە ارالىعىندا ۇيىمداستىرىلىپ، بيىل وعان 90 ەلدەن 400-دەن استام ۇزدىك جاس فيزيك قاتىسۋدا.
وليمپيادا اياسىندا قاتىسۋشىلار تەوريالىق جانە ەكسپەريمەنتتىك كەزەڭدەردەن ءوتىپ، كۇردەلى فيزيكالىق ەسەپتەردى شىعارىپ، زەرتحانالىق جۇمىستاردى ورىندايدى.
وقۋ-جاتتىعۋ جيىندارىنىڭ قورىتىندىسى بويىنشا جاساقتالعان قازاقستان ۇلتتىق قۇراماسىنىڭ ساپىنا بەس وقۋشى ەندى.
ولار:
امىربەك ازاتبەكوۆ - استانا قالاسى نۇرا اۋدانىنداعى فيزيكا-ماتەماتيكا باعىتىنداعى NIS-ءتىڭ 12-سىنىپ وقۋشىسى;
ءىلياس قازىمبەك - استانا قالاسىنداعى Spectrum International School مەكتەبىنىڭ 12-سىنىپ وقۋشىسى;
نۇرگۇل ەگەنبەرگەنوۆا - استانا قالاسىنداعى NURORDA مەكتەپ-ليتسەيىنىڭ 11-سىنىپ وقۋشىسى;
رومان چەرەمنوۆ - استانا قالاسى نۇرا اۋدانىنداعى فيزيكا-ماتەماتيكا باعىتىنداعى NIS-ءتىڭ 11-سىنىپ وقۋشىسى;
دامير قۇرمان - الماتى قالاسىنداعى «ميراس» حالىقارالىق مەكتەبىنىڭ 12-سىنىپ وقۋشىسى.
ۇلتتىق قۇرامانىڭ جەتەكشىلەرى:
سامات ماقسۇتوۆ - PhD دوكتورى، ءال-فارابي اتىنداعى قازاق ۇلتتىق ۋنيۆەرسيتەتىنىڭ اعا وقىتۋشىسى;
الىشەر ەركەباەۆ - فيزيكادان حالىقارالىق وليمپيادالاردىڭ جۇلدەگەرى.
انىقتاما ءۇشىن: فيزيكادان حالىقارالىق وليمپيادا 1967 جىلدان بەرى وتكىزىلىپ كەلەدى. قازاقستان IPhO وليمپياداسىنا 1997 جىلدان باستاپ تۇراقتى تۇردە قاتىسىپ كەلەدى. 2025 جىلى ۇلتتىق قۇراما 2 كۇمىس جانە 3 قولا مەدال جەڭىپ الدى.