قازاقستان-اۋستريا ىسكەرلىك كەڭەسىنىڭ 9-شى وتىرىسىن وتكىزۋ كەزەڭىندە قر كولىك ۆيتسە-ءمينيسترى تالعات لاستاەۆ باستاعان قازاقستاندىق دەلەگاتسيانىڭ قۇرامىندا سكات اۆياكومپانياسىنىڭ ۆيتسە-پرەزيدەنتى ۆلاديمير سىتنيك پەن قر اۋسترياداعى ەلشىلىگىنىڭ وكىلدەرى اۋستريانىڭ تۋريزم جونىندەگى مەملەكەتتىك حاتشىسى سيۋزاننا كراۋس-ۆينكلەر جانە ۆەنا اۋەجايىنىڭ باس ديرەكتورى يۋليان يەگەرمەن كەزدەسۋلەرى ءوتتى.
كەزدەسۋلەر بارىسىندا قازاقستان مەن اۋستريا اراسىندا 2025 جىلدىڭ كوكتەمىنە جوسپارلانعان سكات اۋەكومپانياسىنىڭ اپتاسىنا 2 رەت جيىلىكپەن تىكەلەي رەيسىن اشۋ، سونداي-اق ءتۋريزمدى دامىتۋدى ۆيزالىق قولداۋ ماسەلەلەرى تالقىلاندى.
ايتا كەتسەك، بۇعان دەيىن ءمالىم بولعانداي، قازاقستان مەن ماروككو ازاماتتارى ەندى ەلگە ۆيزاسىز كىرە الادى.