ءباا مينيسترلەر كابينەتىنىڭ باسەكەگە قابىلەتتىلىك ماسەلەلەرى جونىندەگى ورىنباسارى ابدۋللا ناسسەر لۋتامەن وتكەن كەلىسسوزدەر بارىسىندا تاراپتار ەكى ەلدىڭ سالالىق مينيسترلىكتەرى اراسىندا تاجىريبە الماسۋ مۇمكىندىكتەرىن، ەكونوميكانىڭ ءارتۇرلى سەكتورلارىنداعى رەتتەۋشى زەرتحانالار اياسىنداعى ىنتىماقتاستىقتى، سونداي-اق قازاقستاندىق مەملەكەتتىك قىزمەتشىلەردىڭ اقپاراتتىق قاۋىپسىزدىك، تسيفرلىق ترانسفورماتسيا جانە جاساندى ينتەللەكت سياقتى باعىتتاردا ءباا-دە وقىتۋ باعدارلامالارىن تالقىلادى.
تاراپتار رەتتەۋشى زەرتحانالار شەڭبەرىندەگى العاشقى باعىتتاردىڭ ءبىرى رەتىندە جاساندى ينتەللەكت سالاسىن تاڭداپ، وسى سالانىڭ رەتتەۋى مەن دامۋى اراسىنداعى تەپە-تەڭدىكتى قامتاماسىز ەتۋگە مۇمكىندىك بەرەتىن رەتتەۋشى نورمالاردى ازىرلەۋ تۋرالى كەلىستى.
وقىتۋ ماسەلەسىندە قازاقستان ءباا ۇكىمەتتىك تاجىريبە الماسۋ وفيسىمەن تىعىز ىنتىماقتاستىق جاساۋدا، وسى ىنتىماقتاستىق اياسىندا 800-دەن استام مەملەكەتتىك قىزمەتكەر ترەنينگتەر، سەمينارلار جانە الماسۋ باعدارلامالارى ارقىلى ءبىلىم الدى.
سونداي-اق، تسيفرلىق دامۋ مينيسترلىگىنىڭ دەلەگاتسياسى ءباا مەملەكەتتىك اكسەلەراتورىنا بارىپ، سالارالىق مىندەتتەردى شەشۋ ءۇشىن جوبالىق ادىستەردى قولدانۋ، اكسەلەراتسيالىق باعدارلامالاردىڭ تابىستى كەيستەرى جانە قازاقستاندا وسىنداي تاسىلدەردى ەنگىزۋ مۇمكىندىكتەرىن تالقىلادى.
دەلەگاتسيا قوسىمشا ءباا-دەگى مەملەكەتتىك قىزمەتتەردى «ءبىر تەرەزە» قاعيداتى بويىنشا ۇسىناتىن Services 1 حالىققا قىزمەت كورسەتۋ ورتالىقتارىنىڭ جۇمىسىن زەرتتەدى. مەملەكەتتىك قىزمەتتەردىڭ ساپاسىن باعالاۋ، مەملەكەتتىك ورگانداردى رەيتينگتەۋ ماسەلەلەرى تالقىلانىپ، ەكى ەلدىڭ حقكو جۇمىسىن جەتىلدىرۋ ادىستەمەلەرىمەن الماسۋ تۋرالى كەلىسىمگە قول جەتكىزىلدى.
ءباا جاساندى ينتەللەكت، تسيفرلىق ەكونوميكا جانە قاشىقتان جۇمىس ىستەۋ بويىنشا قوسىمشالار جونىندەگى مەملەكەتتىك ءمينيسترى ومار بين سۇلتان ءال-ولامامەن كەزدەسۋ بارىسىندا تاراپتار جاساندى ينتەللەكت سالاسىنداعى ىنتىماقتاستىق پەرسپەكتيۆالارىن قاراستىردى.
كەزدەسۋ بارىسىندا كومپانيالاردىڭ سۇرانىستارىنا سايكەس تەحنولوگيالىق شەشىمدەر ازىرلەنەتىن دۋباي بولاشاق زەرتحاناسى كورسەتىلدى. بۇل زەرتحانا نارىقتىڭ وزەكتى تەحنولوگيالىق مىندەتتەرىن شەشۋ ءۇشىن تەحنيكالىق قۇزىرەتتىلىكتەردى ارتتىرۋعا جانە نارىقپەن تىعىز بايلانىستا جۇمىس ىستەۋگە مۇمكىندىك بەرەدى.
قازاق تاراپىنا ءباا زەرتتەۋ ورتالىقتارى مەن كومپانيالارىنىڭ قازاقستانداعى alem.ai حالىقارالىق جاساندى ينتەللەكت ورتالىعى اياسىنداعى باستامالارعا قوسىلۋى ۇسىنىلدى. مينيستر ءال-ولاما 2025 جىلى وتەتىن Digital Almaty 2025 فورۋمىنا قاتىسۋعا جانە بولاشاق ىنتىماقتاستىق ماسەلەلەرىن تالقىلاۋعا شاقىرىلدى.
ءباسپاسوز قىزمەتى