كەڭەسكە جامبىل وبلىسىنىڭ اكىمى ەربول قاراشوكەەۆ، تۇركىستان وبلىسىنىڭ اكىمى نۇرالحان كوشەروۆ، قىزىلوردا وبلىسىنىڭ اكىمى نۇرلىبەك نالىباەۆ، شىمكەنت قالاسىنىڭ اكىمى عابيت سىزدىقبەكوۆ، سونداي-اق ۇلتتىق ەكونوميكا ۆيتسە-ءمينيسترى باۋىرجان وماربەكوۆ پەن قارجى ۆيتسە-ءمينيسترى ابزال بەيسەنبەكۇلى قاتىستى.
اكىمدىكتەرگە جاڭا بيۋدجەت كودەكسى اياسىندا وڭىرلىك ستاندارتتار جۇيەسىن ەسكەرە وتىرىپ، بيۋدجەتتىك جوسپارلاۋ ەرەجەلەرى ءتۇسىندىرىلدى.
2024 جىلدىڭ قورىتىندىسى بويىنشا وڭىرلىك ستاندارتتار جۇيەسى بويىنشا نىساندارمەن جانە قىزمەتتەرمەن قامتاماسىز ەتۋ دەڭگەيى: جامبىل وبلىسىندا – 74,1% (ەل بويىنشا 4-ورىن), تۇركىستان وبلىسىندا – 66,3% (14-ورىن), قىزىلوردا وبلىسىندا – 66,8% (6-ورىن), شىمكەنت قالاسىندا – 87,9% (2-ورىن). جالپى العاندا، بارلىق وڭتۇستىك وڭىرلەردە بۇل كورسەتكىش رەسپۋبليكالىق ورتاشا دەڭگەيدەن – 66,1% – جوعارى.
وڭتۇستىك وڭىرلەردەگى ەكونوميكالىق ءوسۋدىڭ نەگىزگى قوزعاۋشى كۇشى – اۋىل شارۋاشىلىعى، شاعىن جانە ورتا بيزنەس. بۇل وڭىرلەر ازىق-تۇلىك ونىمدەرىنىڭ ءىرى وندىرۋشىلەرى جانە ەلىمىزدىڭ ازىق-تۇلىك قاۋىپسىزدىگىن قامتاماسىز ەتۋگە ۇلەس قوسىپ وتىر. دەگەنمەن، وڭىرلەر ءۇشىن نەگىزگى ماسەلەلەردىڭ ءبىرى – ينفراقۇرىلىمدى جاڭعىرتۋ.
كەڭەس بارىسىندا قانات بوزىمباەۆ ينفراقۇرىلىمدىق جوبالاردى جوسپارلاۋ وڭىرلىك ستاندارتتار جۇيەسىنىڭ كورسەتكىشتەرىن قاتاڭ ەسكەرە وتىرىپ جۇزەگە اسىرىلۋى قاجەت ەكەنىن ەسكە سالدى.
وڭىرلىك دەڭگەيدەگى تەڭگەرىم مەن ايىرماشىلىقتاردى ازايتۋ ماقساتىندا ۆيتسە-پرەمەر اكىمدىكتەرگە ۇلتتىق ەكونوميكا مينيسترلىگىنىڭ بيۋدجەتتىك ينۆەستيتسيالىق جوبالاردى باسىمدىق بويىنشا ىرىكتەۋ جونىندەگى ادىستەمەلىك ۇسىنىمدارىن ەسكەرە وتىرىپ، ارتتا قالعان ەلدى مەكەندەردى ءبىرىنشى كەزەكتە قارجىلاندىرۋ تۋرالى شەشىم قابىلداۋدى تاپسىردى.
«اۋىل اماناتى» جوباسى اياسىندا جامبىل وبلىسىندا شامامەن 10 مىڭ جۇمىس ورنىن قۇرۋدى كوزدەيتىن بولجامدى ينۆەستيتسيالىق جوبالار، قىزىلوردا وبلىسىندا 8 مىڭ جۇمىس ورنىن، تۇركىستان وبلىسىندا 23 مىڭ جۇمىس ورنىن اشۋعا باعىتتالعان جوبالار قالىپتاستىرىلدى. قانات بوزىمباەۆ ولاردىڭ ىسكە اسىرىلۋىن جەدەلدەتۋدى تاپسىردى. ۇلتتىق ەكونوميكا مينيسترلىگىنە قارجى، ەڭبەك جانە حالىقتى الەۋمەتتىك قورعاۋ مينيسترلىكتەرىمەن جانە وبلىس اكىمدىكتەرىمەن بىرلەسە وتىرىپ، «اۋىل اماناتى» جوباسىن قارجىلاندىرۋ ماسەلەسىن پىسىقتاۋدى تاپسىردى.
ساپار اياسىندا قانات بوزىمباەۆ قازاق ۇلتتىق سۋ شارۋاشىلىعى جانە مەليوراتسيا ۋنيۆەرسيتەتىنە بارىپ، وقۋ ورنىنىڭ وقىتۋشىلارىمەن كەزدەستى. كەيىن تاراز قالاسىنداعى جاڭا شاعىناۋدانداعى كوپقاباتتى تۇرعىن ۇيلەردىڭ قۇرىلىسى جانە تۇيتە كانالى جاعالاۋىن اباتتاندىرۋ جۇمىستارىمەن تانىستى.