«قازا تاپقانداردىڭ عانا ەمەس، ولاردىڭ وتباسى مۇشەلەرىنىڭ دە قارىزدارى مەن نەسيەلەرىن وتەۋ قالىپتى جاعداي. سىزدەر وتباسىلاردىڭ جاعدايىن مۇقيات سارالاپ، بالالاردى، ونىڭ ىشىندە كامەلەتكە تولماعانداردى وقىتۋعا كەتەتىن شىعىنداردى جابۋلارىڭىز كەرەك»، — دەدى قانات بوزىمباەۆ.
ال رەسپۋبليكالىق بيۋدجەتتەن اسىراۋشىسىنان ايىرىلۋ بويىنشا مەملەكەتتىك جاردەماقى، ساقتاندىرۋ تولەمدەرى قاراستىرىلعان جانە جەرلەۋ شىعىندارى وتەلەدى. ۆيتسە-پرەمەر تولەمدەردى كەشىكتىرمەۋدى تاپسىردى. ءتيىستى تەرگەۋلەردەن كەيىن شاحتادا «قازاقمىس كورپوراتسياسى» جشس-دە كەلىسىمشارتتىق مىندەتتەمەلەر قايتا قارالاتىن بولادى.
«تەرگەۋ ونىڭ قاۋىپتى نەمەسە قاۋىپسىزدىگىن كورسەتپەيىنشە، شاحتاداعى جۇمىستى قايتا باستاۋ تۋرالى ويلاماڭىز. جۇيە مەن تاسىلدەردى تۇبەگەيلى وزگەرتۋ قاجەت، ءبىز مەملەكەت تاراپىنان ولاردى قاتايتاتىن بولامىز. ونەركاسىپتىك قاۋىپسىزدىك كوميتەتى قۇرىلدى، ءبىز زاڭنامانى وزگەرتەمىز. قازىر پارلامەنتتە ءتيىستى زاڭ جوباسى قارالۋدا، وسى زاڭ جوباسى شەڭبەرىندە توتەنشە جاعدايلار مينيسترلىگىنە قوسىمشا وكىلەتتىكتەر بەرىلەتىن بولادى. مۇنداي جازاتايىم وقيعالاردى الدىن الۋ ءۇشىن ءبىز بار كۇشىمىزدى سالامىز. مەملەكەت باسشىسى تەرگەۋدى مۇقيات جۇرگىزۋدى تاپسىردى. بۇل قۇقىق قورعاۋ ورگاندارىنىڭ ساراپتامالارى، ونەركاسىپتىك قاۋىپسىزدىك كوميتەتىنىڭ تەرگەۋى، سونداي-اق ءسىزدىڭ ەڭبەك ينسپەكتورلارىڭىزدىڭ تەكسەرۋلەرى. ءسىزدىڭ مىندەتىڭىز – وسى توتەنشە جاعدايعا كىمنىڭ جول بەرگەنىن انىقتاۋ»، — دەدى قانات بوزىمباەۆ كومپانيا باسشىلىعىنا.
ەسكە سالا كەتەيىك، ۇلىتاۋ وبلىسىنداعى كەن ورنىندا بولعان توتەنشە جاعدايعا بايلانىستى «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا قىلمىستىق ءىس قوزعالدى.
ۇكىمەتتىڭ ءباسپاسوز قىزمەتى