«تاڭ LTD» جشس بيىل 3668 گەكتار جەرگە ەگىن ەكتى. ونىڭ 1226 گەكتارى كۇرىش، 75 گەكتارى قانت قۇمايى، 379 گەكتارى جاڭا جوڭىشقا، 661 گەكتارى ەسكى جوڭىشقا، 700 گەكتارى جۇگەرى. سەرىكتەستىك 300 تۇرعىندى جۇمىسپەن قامتىعان.
پرەمەر-ءمينيستردىڭ ورىنباسارى ۆەگەتاتسيالىق كەزەڭدەگى قيىندىقتاردان ءوتۋ ءۇشىن بارلىق ءتيىستى شارالار قابىلدانۋى كەرەك ەكەنىن ايتتى.
ەسكە سالايىق، سۋ تاپشىلىعىنا بايلانىستى قالىپتاسقان جاعدايعا تۇراقتى مونيتورينگ جانە كەڭىنەن تۇسىندىرمە جۇمىستارىن جۇرگىزۋ ءۇشىن بارلىق اۋداندا ارنايى جۇمىسشى توپتارى قۇرىلدى.
قازىرگى تاڭدا، بارلىق كانالدان سۋ الۋ كەستەسى بەكىتىلىپ، سۋ كەزەكپەن بەرىلۋدە. قاشىرتقىداعى سۋدى ەكىنشى مارتە پايدالانۋ ءۇشىن وبلىستا 324 ناسوس قوندىرعىسى قوسىلعان.
سونداي-اق، ماگيسترالدى جانە شارۋاشىلىقارالىق كانالمەن كەزەكتەستىرىپ سۋ بەرۋ كەستەسى ازىرلەنىپ، وسى كەستەگە سايكەس جۇمىس اتقارىلۋدا، ياعني جالپى ەگىلگەن ەگىستىڭ 98%-ى كەزەكپەن سۋارىلۋدا.
كۇرىشتىڭ ءوسۋ فازاسىنا سايكەس تولىق ءپىسىپ-جەتىلۋ ۋاقىتى 115-125 تاۋلىك.
جەدەل اقپاراتقا سۇيەنسەك، وبلىس بويىنشا ەگىلگەن كۇرىشتىڭ 8,8 مىڭ گەكتارى تۇتىككە شىعۋ، 37,1 مىڭ گەكتارى ماساقتانۋ، 30,3 مىڭ گەكتارى گۇلدەۋ، 4,7 مىڭ گەكتارى ءسۇتتى ءپىسۋ فازاسىندا.
قىزىلوردا وبلىسىنىڭ اكىمدىگى