"تازا قازاقستان" ەكولوگيالىق اكتسياسى جانە "زاڭ جانە ءتارتىپ" قاعيداتىن ىسكە اسىرۋ اياسىندا تۇركىستان وبلىسى پوليتسيا دەپارتامەنتىنىڭ قىزمەتكەرلەرى كوپشىلىك ورىنداردى اباتتاندىرۋ جانە لاستاۋ ەرەجەلەرىن بۇزۋدىڭ الدىن الۋ بويىنشا پروفيلاكتيكالىق جۇمىستاردى جالعاستىرۋدا. قوعامدىق ءتارتىپتى قامتاماسىز ەتۋ جانە قۇقىق بۇزۋشىلىقتاردىڭ الدىن الۋ ماقساتىندا جۇرگىزىلگەن شارانى پوليتسەيلەر جەرگىلىكتى اتقارۋشى ورگاندارمەن بىرلەسىپ وتكىزدى. اتالعان شارا قوعامدىق ورىنداردا جانە دەمالىس ايماقتارىندا رەيدتىك شارا جۇرگىزۋگە ۇلاستى.
سونداي-اق ءتارتىپ ساقشىلارى تۇرعىندارعا ەكولوگيالىق نورمالاردى ساقتاۋدىڭ ماڭىزدىلىعىن، اباتتاندىرۋ ەرەجەلەرىن بۇزۋعا جول بەرمەۋدى جانە قوقىستى تەك ارنايى بەلگىلەنگەن ورىنداردا تاستاۋ قاجەتتىگىن ەسكە سالادى. وبلىس اۋماعىندا "تازا قازاقستان" ەكولوگيالىق اكتسياسىن وتكىزۋ كەزىندە پوليتسيا قىزمەتكەرلەرى بارلىعى 17 مىڭنان استام قۇقىق بۇزۋشىلىقتى، ونىڭ ىشىندە جالپى پايدالانۋ ورىندارىنىڭ لاستانۋىنا بايلانىستى 13 مىڭنان استام فاكتىنى جانە اباتتاندىرۋ ەرەجەلەرىن بۇزۋدىڭ 4,3 مىڭعا جۋىق دەرەگىن انىقتادى. ءوز كەزەگىندە پوليتسەيلەر ازاماتتاردى زاڭ شەڭبەرىندە ارەكەت ەتىپ، قورشاعان تابيعاتتى قورعاۋعا جانە تازالىق پەن تارتىپكە ۇلەس قوسۋعا شاقىرادى. كەز – كەلگەن قۇقىق بۇزۋشىلىققا "نولدىك توزىمدىلىك" - بۇل قوعامدىق قاۋىپسىزدىكتى نىعايتۋعا جانە جايلى ورتا قۇرۋعا باعىتتالعان ماڭىزدى قادام.
اقپارات كوزى Polisia.kz سايتىندا