"تۇران" گاز جىلۋ ستانساسىندا پرەمەر-مينيسترگە نىسان قۇرىلىسىنىڭ ەكىنشى كەزەگى اياقتالعانى تۋرالى باياندالدى. بۇگىندە دايىندىق 98%-دى قۇراپ وتىر. جۇرگىزىلگەن جۇمىستاردىڭ ناتيجەسىندە گجس جالپى قۋاتى ساعاتىنا 350-دەن 600 گكال-عا دەيىن جەتكىزىلدى – بۇگىندە بۇل ەلىمىزدەگى ەڭ ءىرى گاز جىلۋ ستانساسى. «تۇران» گجس باسقا 4 جىلۋ كوزى: جەو-1, جەو-2, جەو-3, «وڭتۇستىك-شىعىس» گاز جىلۋ ستانساسىمەن ەلوردانى جىلۋمەن قامتاماسىز ەتەدى. نىسانداردىڭ جالپى قولجەتىمدى قۋاتى ساعاتىنا 4 104 گكال-دى قۇرايدى، قالانىڭ ەڭ جوعارى جىلۋ تۇتىنۋ قاجەتتىلىگى 3 578 گكال/ساع، بۇل اعىمداعى جىلىتۋ كەزەڭىندە جىلۋ قۋاتىن شامامەن 500 گكال/ساع ارتىعىمەن ءوندىرۋدى قامتاماسىز ەتتى.
قالا اكىمىنىڭ ورىنباسارى ەرسىن وتەباەۆ بۇگىندە «تۇران» گجس جۇمىسى تولىعىمەن اۆتوماتتاندىرىلعانىن ايتتى. مامانداردى دايارلاۋ وقۋ ورتالىعىنىڭ بازاسىندا دۋالدى ءبىلىم بەرۋ شەڭبەرىندە جۇرگىزىلەدى. ستانسادا نەمىس، ورىس جانە فين تەحنولوگيالارى قولدانىلادى. گجس جوعارى ەكولوگيالىق تازا ەكەندىگى اتاپ ءوتىلدى: ازوت وكسيدى قالدىقتارى قولدانىستاعى نورماتيۆتەرمەن سالىستىرعاندا 3-5 ەسە ازايدى. قازىرگى ۋاقىتتا نىسان ەسىل جانە نۇرا اۋداندارىن، سونداي-اق شامامەن 2 ملن شارشى مەتر الاڭداعى الەۋمەتتىك جانە ونەركاسىپ نىساندارىن جىلۋمەن قامتاماسىز ەتەدى. گاز تارتۋ جانە قالانى جىلۋمەن قامتاماسىز ەتۋ جۇمىستارى جالعاسادى. قالانى جىلۋمەن قامتاماسىز ەتۋ ءۇشىن 2035 جىلعا دەيىن 2028 جىلدىڭ سوڭىنا دەيىنگى مەرزىمدە جەو-2-دە 7, 8 قازاندىقتاردى پايدالانۋعا بەرۋدى، «تەلمان» گجس جانە «وڭتۇستىك-باتىس» گجس سالۋدى قوسقاندا، جالپى قۋاتى ساعاتىنا 1310 گكال بولاتىن بىرقاتار جوبالاردى ىسكە اسىرۋ جوسپارلانۋدا.
ولجاس بەكتەنوۆ حالىقتىڭ بەلسەندى ءوسۋى جانە قالالىق ينفراقۇرىلىمنىڭ كەڭەيۋى جاعدايىندا قازىرگى زامانعى جىلۋمەن جابدىقتاۋ كوزدەرىنىڭ قۇرىلىسى ەرەكشە ماڭىزعا يە ەكەندىگىن اتاپ ءوتتى.
پرەمەر-مينيسترگە ەلوردانىڭ LRT قۇرىلىسى بويىنشا نەگىزگى كولىك جوبالارىنىڭ ءبىرىن ىسكە اسىرۋ بارىسى تۋرالى 112-ستانسا الاڭىندا باياندالدى. وتكەن جىلدىڭ قورىتىندىسى بويىنشا ەستاكادا، اسپالى كوپىر جانە بارلىق ستانسالاردىڭ تەمىربەتون كونسترۋكتسيالارىنىڭ قۇرىلىسى اياقتالدى. جوبانىڭ قاجەتتىلىكتەرىن قامتاماسىز ەتۋ ءۇشىن استانادا شپالدار ءوندىرىسى ىسكە قوسىلدى. ولاردى دايىنداۋ ءۇشىن ب-55 ماركالى بەتون قولدانىلادى، ارماتۋرانىڭ الدىن-الا كەرنەۋ تەحنولوگياسى قولدانىلادى، بۇل تاسىمالداۋ كەزىندە قۇرىلىمداردىڭ جارىلىپ كەتۋىنە جول بەرمەيدى جانە ايازعا توزىمدىلىگىن ارتتىرادى. بۇگىندە 35 مىڭنان استام شپال دايىندالدى، جوباعا بارلىعى 87,6 مىڭ بىرلىك شپال قاجەت.
قازىرگى ۋاقىتتا نىساندا رەلستەر توسەلۋدە – ۇزىندىعى 2 شاقىرىم بولاتىن ۋچاسكەدە، سونداي-اق وپتيكالىق تالشىقتا جۇمىس اياقتالدى. بيىل جۇمىسقا 2 مىڭعا جۋىق ادام جۇمىلدىرىلدى، جاز مەزگىلىندە نىسانعا 5 مىڭعا جۋىق مامان تارتىلاتىن بولادى.
«CTS» جشس باسقارما توراعاسى اسىلبەك دۇيسەباەۆ قىركۇيەك ايىندا LRT-نى تەستىلىك رەجيمدە ىسكە قوسۋ، ياعني جولاۋشىسىز پويىزداردى سىناقتان وتكىزۋ جوسپارلانىپ وتىرعانىن حابارلادى. استاناداعى جەڭىل رەلستى كولىك جوباسى وزىق GoA4 ستاندارتىنا سايكەس جۇزەگە اسىرىلىپ جاتىر، بۇل 6 ايلىق سىناق مەرزىمىن تالاپ ەتەدى.
سونىمەن قاتار پرەمەر-مينيسترگە LRT بويىنداعى اۋماقتى اباتتاندىرۋ جوباسى تانىستىرىلدى. اۋەجايدان رىسقۇلوۆ كوشەسىنە دەيىن ءىرى اعاشتار مەن كوپجىلدىق بۇتالار وتىرعىزىلىپ، اۆتوماتتى سۋارۋ جۇيەسىن ورناتۋ جوسپارلانعان. قابانباي باتىر داڭعىلى بويىمەن سىعاناق كوشەسىنە دەيىنگى اۋماق بالالار جانە سپورت الاڭدارى، جاياۋ جۇرگىنشىلەر جولدارى قوعامدىق كەڭىستىكتەرگە بولىنگەن. ءارى قاراي جولاۋشىلار اعىنى بەلسەندى 2-تەمىرجول ۆوكزالىنا دەيىن كەڭ اۆتوتۇراقتار، ۆەلوسيپەدكە ارنالعان جولدار جاسالىپ، كوگالداندىرۋ قاراستىرىلعان.
ولجاس بەكتەنوۆ دەپونىڭ باسقارۋ ورتالىعى اۋماعىندا قۇرىلىس-مونتاج جۇمىستارىنىڭ بارىسىمەن تانىستى. جوبا قىتايلىق سەرىكتەس China Railway Asia-Europe Construction Investment Co.، Ltd. كومپانياسىمەن بىرلەسىپ جۇزەگە اسىرىلىپ جاتىر. تولىق اۆتوماتتاندىرىلعان دەپو قۇرامداردى تۇراققا قويۋعا جانە جوندەۋگە، ماتەريالدار مەن قوسالقى بولشەكتەردى ساقتاۋعا ارنالعان 13 نەگىزگى عيماراتتان قۇرالعان. سونداي-اق مۇندا ديسپەتچەرلىك پۋنكت، بايلانىس تورابى جانە LRT پايدالانۋشى كومپانيانىڭ اكىمشىلىك كەڭسەسى بار بارلىق قوعامدىق كولىك تۇرلەرىن باسقاراتىن ورتالىق سالىنىپ جاتىر.
دەپو الاڭىندا LRT-عا ارنالعان جىلجىمالى قۇرامدى ءوندىرۋشى CRRC Tangshan Co.،Ltd. زاۋىتىمەن بەينەبايلانىس ارقىلى تىكەلەي قوسىلىم بولدى. پرەمەر-مينيسترگە LRT بويىمەن جولاۋشىلاردى تاسىمالدايتىن لوكوموتيۆتەردىڭ ەرەكشەلىكتەرى باياندالدى. بارلىعى 650 ورىنعا ەسەپتەلگەن 19 ءتورت سەكتسيالى قۇرام جۇمىس ىستەيتىن بولادى.
Tangshan CRRC Group كومپانياسىنىڭ باسقارما توراعاسى چجوۋ تسزيۋنيان قازىرگى ۋاقىتتا وندىرىستە ساعاتىنا 350 كم/ساع دەيىن جوعارى جىلدامدىقتى پويىزدار وندىرىسىندەگى تەحنولوگيالار مەن ستاندارتتاردى قولدانا وتىرىپ، العاشقى ەكى قۇرامدى قۇراستىرۋ جۇمىستارى جۇرگىزىلىپ جاتقانىن اتاپ ءوتتى.
جاساۋ پروتسەسىندە زاماناۋي ماتەريالدار، مىسالى، كورپۋس بولشەكتەرىنە ارنالعان اليۋميني قورىتپاسى، سەرپىمدى دوڭگەلەكتەر، جايلى ءجۇرۋ ءۇشىن كوپ قاباتتى تەرەزەلەر، اسا بەرىك ورگانوسيليكاتتان جاسالعان بىلعارى ورىندىقتار سياقتى زاماناۋي ماتەريالدار قولدانىلادى.
قۇراستىرۋ تىكەلەي قۇرىلىس الاڭىندا جۇرگىزىلەدى. ءار قۇرام 36 جوعارى ساپالى مونيتورمەن، 11 كامەرامەن جانە پويىزداردى اۆتوماتتى باسقارۋ جۇيەلەرىمەن جابدىقتالادى.