وندا جوعارى دەڭگەيدە قول جەتكىزىلگەن ۋاعدالاستىقتاردى جۇزەگە اسىرۋ ماسەلەلەرى تالقىلاندى.
كەزدەسۋ بارىسىندا تاراپتار ستراتەگيالىق ارىپتەستىك پەن وداقتاستىققا نەگىزدەلگەن قازاقستان مەن رەسەي اراسىنداعى سەنىم مەن سىندارلى ديالوگتىڭ جوعارى دەڭگەيىن اتاپ ءوتتى. 2024 جىلدىڭ قورىتىندىسى بويىنشا ءوزارا ساۋدا كولەمى $27,8 ملرد-قا جەتتى، 2025 جىلعى قاڭتار-مامىردا $9,6 ملرد-تى قۇرادى.
«مەملەكەتتەر باسشىلارىنىڭ تاپسىرماسى بويىنشا ءبىز ءوزارا ساۋدا كولەمىن $30 ملرد-قا دەيىن ۇلعايتۋ بويىنشا ماقساتتى جۇمىس جۇرگىزىپ جاتىرمىز. ينۆەستيتسيالىق ىنتىماقتاستىقتا زور مۇمكىندىكتەر بار. جالپى، ەكىجاقتى ءوزارا ءىس-قيمىل ماسەلەلەرىنىڭ كەڭ اۋقىمىن شەشۋدە ىنتىماقتاستىق جونىندەگى ۇكىمەتارالىق كوميسسيانىڭ ءتيىمدى قىزمەتىن اتاپ وتكىم كەلەدى»، – دەدى ولجاس بەكتەنوۆ.
ەكى مەملەكەت اراسىنداعى ارىپتەستىكتى تەرەڭدەتۋ اياسىندا وسى جىلدىڭ كۇزىندە ورال قالاسىندا وتەتىن قازاقستان مەن رەسەيدىڭ XXI وڭىرارالىق ىنتىماقتاستىق فورۋمىنىڭ دايىندىق بارىسىنا ەرەكشە نازار اۋدارىلدى.
كەزدەسۋ قورىتىندىسى بويىنشا تاراپتار بارلىق باسىم باعىتتار بويىنشا ەكى ەل اراسىنداعى ءوزارا ءتيىمدى ەكونوميكالىق ىنتىماقتاستىقتى ودان ءارى تەرەڭدەتۋگە دايىن ەكەندىكتەرىن جەتكىزدى.