مەملەكەت باسشىسىنىڭ جولداۋىندا بەرىلگەن تاپسىرمالاردى ورىنداۋ جونىندەگى جالپىۇلتتىق ءىس-شارالاردا ءىرى ينۆەستيتسيالىق جوبالاردى سولتۇستىك قازاقستان وبلىسى تاجىريبەسىمەن قارجىلاندىرۋ كوزدەلگەن.
باعدارلامانىڭ ماقساتى – اوك-دە جاڭا جوبالار قۇرۋ نەمەسە قولدانىستاعىلاردى كەڭەيتۋ. نەگىزگى باعىتى – تاۋارلى ءسۇت فەرمالارى، ەت باعىتىنداعى قۇس فابريكالارى، مال شارۋاشىلىعى كاسىپورىندارى، كوكونىس، جەمىس ساقتاۋ قويمالارى، ونەركاسىپتىك جىلىجاي شارۋاشىلىعى. ءجۇن مەن تەرىنى تەرەڭ وڭدەيتىن، بۋىپ-ءتۇيۋ ماتەريالدارىن وندىرەتىن كاسىپورىنداردى، تاۋارلى بالىق، باسقا دا سۋ جانۋارلارىن وسىرەتىن شارۋاشىلىقتاردى، قوي فەرمالارىن وركەندەتۋگە باسىمدىق بەرىلگەن.
وتكەن جىلى سولتۇستىك قازاقستان وبلىسىنىڭ تاجىريبەسى نەگىزىندە 5 جوباعا، اتاپ ايتقاندا، قىزىلوردا قالاسىندا 2, ارال اۋدانىندا 3 جوباعا رەسپۋبليكالىق بيۋدجەتتەن قاراجات ءبولىندى. بيىل تاعى 6 جوبانى جۇزەگە اسىرۋ جوسپارلانۋدا. اۋداندارداعى الەۋەتتى جوبالاردىڭ، ياعني 11 جوبانىڭ پۋلى قالىپتاستىرىلدى.
ايماق باسشىسى بيىلعا قاراستىرىلعان ينۆەستيتسيالىق جوبالاردى 1 مامىرعا دەيىن ۇسىنۋدى تاپسىردى. ودان بولەك، 1 شىلدەگە دەيىن 2026, 2027, 2028 جىلدارعا ۇسىنىلاتىن جوبالار ءتىزىمىن وبلىستىق اۋىل شارۋاشىلىعى جانە جەر قاتىناستارى باسقارماسىنا جولداۋ، رەسپۋبليكادان بولىنگەن قاراجاتتى مەرزىمىندە ءارى تولىق يگەرىلۋ مىندەتتەلدى.
«ينۆەستيتسيا تارتۋ قىزىلوردا قالاسى، اۋدان اكىمدەرىنىڭ ارقايسىنىڭ جەكە جاۋاپكەرشىلىگىندە»، – دەدى ن. نالىباەۆ.