... كەيبىر فەدەراتسيالاردىڭ باسشىلىعىندا ءتۇرلى شەندى-شەكپەندىلەر مەن وليگارحتار وتىردى. ولار قانشاما جىلدان بەرى سول قىزمەتتى مەنشىكتەپ الدى. ولار بيۋدجەتتەن بولىنگەن قارجىنى جۇمساعانى بولماسا، اتقارىپ جاتقان جۇمىسى كوزگە كورىنبەيدى. سوندىقتان فەدەراتسيانىڭ ءبارىن بۇدان بىلاي «ۇلتتىق فەدەراتسيا» دەپ اۋىستىردىق. اتاۋى اۋىسقان سوڭ، زاڭ بويىنشا فەدەراتسيالاردىڭ اككرەديتاتسياسى اۆتوماتتى تۇردە توقتاتىلادى. ولار قايتادان تىركەۋدەن ءوتۋ ءۇشىن مينيسترلىككە جۇگىنەدى. سول كەزدە اككرەديتاتسيا سپورتتىڭ دامۋىنا ۇلەس قوسپاعان، مۇمكىندىك جاساماعان، تەك بيۋدجەت اقشاسىن اساپ كەلگەندەرگە ەمەس، سپورتقا جاناشىر، قولدايتىن ۇيىمدارعا بەرىلەدى دەگەن ءۇمىتىم بار.
بۇدان بولەك ايماقتاردا سپورت مەكتەپ-ينتەرناتتارى، سپورت كوللەدجدەرى سىندى سپورتتىق نىسانداردىڭ باسشىلىعىنا قاتىستى دا سۇراق بار. ماسەلەن، مينيسترلىك قىزىلوردا وبلىسىنداعى مەملەكەتتىك سپورت ۇيىمىنىڭ ءبىرىن 20 جىلدان بەرى ءبىر ادام باسقارىپ كەلە جاتقانىن تىلگە تيەك ەتتى. مۇنداي مىسال كوپ. ءبىز زاڭمەن مينيسترلىككە سپورتتىق ءبىلىم بەرۋ مەكەمەلەرى باسشىلارىنىڭ روتاتسياسىن جاساۋ ۋاكىلەتتىلىگىن بەردىك. ياكي، ءبىلىم مەكەمەسىنىڭ باسشىسى ءار بەس جىل سايىن اۋىسىپ وتىرۋى كەرەك. مەرزىمىن زاڭنامالىق اكتىمەن بەكىتەدى. قىزمەت – جەكەمەنشىككە اينالماۋى كەرەك. سونداي-اق، سپورت كوللەدجدەرىنە، مەكتەپ-ينتەرناتىنا وقۋشىلار مەن ستۋدەنتتەردى قابىلداۋدىڭ تيپتىك جوسپارى بولۋى ءتيىس." - دەپ اتاپ ءوتتى، نارتاي ارالبايۇلى
ەستەرىڭىزگە سالا كەتسەك، قازاق سپورتىنىڭ ەرتەڭى، كەلەشەگى تۋرالى سوڭعى ۋاقىتتارى قوعامدا ءتۇرلى پىكىرلەر ايتىلىپ ءجۇر. قايشىلىقتى شەشىمدەر مەن كۇرمەۋلى ماسەلەلەر جەتەدى. ونى ءبىر عانا دەپۋتاتتىڭ نەمەسە بەلگىلى ءبىر ۇيىمنىڭ، ۆەدومستۆانىڭ ارالاسۋىمەن شەشۋ مۇمكىن ەمەس. قوعام بولىپ، سالا ماماندارى مەن ساراپشىلارى جۇمىلا كىرىسۋى كەرەك. سوندا عانا، قازاق سپورتىنىڭ كوسەگەسىن كوگەرتۋگە بولادى.
دەرەككوز: ءماجىلىس
سۇقباتتىڭ تولىق نۇسقاسىن تومەندەگى سىلتەمە ارقىلى وقۋعا بولادى.
https://mazhilis.parlam.kz/kk/multimedia-center/news/16681