«وزدەرىڭىزگە بەلگىلى، جىل باسىنداعى باعدارلىق باياندامامدا بىرقاتار اۋقىمدى جوبالاردى جۇزەگە اسىرۋدى تاپسىرىپ، تورالقا ماجىلىسىندە بيىلعا كوپتەگەن يگى ىستەردى جوسپارلاعان بولاتىنبىز. وسى رەتتە، جۇمىستارىمىزدى ودان ءارى جەتىلدىرىپ، دامىتا ءتۇسۋ ماقساتىندا قمدب توراعا ورىنباسارى، نايب ءمۇفتي لاۋازىمىنا شىعىس قازاقستان وبلىسىنىڭ باس يمامى ەرمەك قاسبولاتۇلى مۇقاتاي مىرزانى تاعايىنداۋ تۋرالى شەشىمگە قول قويدىم. ءدىني سالادا مول تاجىريبەسى بار ەرمەك قاسبولاتۇلى الداعى ۋاقىتتا ءمۇفتياتتىڭ يگى ىستەرىنە سۇبەلى ۇلەس قوسادى دەگەن سەنىمدەمىن» دەدى باس ءمۇفتي.
ايتا كەتەيىك، ەرمەك مۇقاتاي بۇعان دەيىن الماتى جانە استانا قالاسىنىڭ مەشىتتەرىندە، سونداي-اق 2015 جىلدان بەرى شىعىس قازاقستان وبلىسىنىڭ جانە «حاليفا التاي» ورتالىق مەشىتىنىڭ باس يمامى قىزمەتىن اتقاردى.