كەزدەسۋ بارىسىندا قاسىم-جومارت توقاەۆ توتەنشە جاعدايلار مينيسترلىگى قىزمەتىندەگى باسىم باعىتتاردى ايقىنداپ، ۆەدومستۆوعا بىرقاتار ناقتى مىندەت جۇكتەدى.
پرەزيدەنت ماۋسىمدىق توتەنشە جاعدايلارعا دايىندىقتى پىسىقتاۋ، اۋداندىق جانە اۋىلدىق بولىمشەلەردى ودان ءارى دامىتىپ، ولاردى تەحنيكالىق جاراقتاندىرۋ دەڭگەيىن ارتتىرۋ جونىندە تاپسىرما بەردى.
ءورت، ونەركاسىپ جانە سەيسمولوگيا قاۋىپسىزدىگى ماسەلەلەرىنە، حالىقتى حاباردار ەتۋ جۇيەسىن جەتىلدىرۋگە، سونداي-اق قاتەرلەردى بولجاۋ مەن ەرتە انىقتاۋ ءۇشىن تسيفرلىق شەشىمدەردى، جاساندى ينتەللەكتىنى ەنگىزۋگە ەرەكشە نازار اۋدارىلدى.
پرەزيدەنت ۆەدومستۆونىڭ كادرلىق الەۋەتىن نىعايتىپ، قۇتقارۋشىلاردىڭ كاسىبي دايارلىعىن كۇشەيتۋدى تاپسىردى.
Akorda.kz