بيىلعى جىلى باعدارلاماعا قاتىسۋعا نيەت بىلدىرۋشىلەر سانى 2,5 ەسەگە ارتتى. جوباعا ىرىكتەۋ بەس كەزەڭنەن تۇرادى. ءبىرىنشى كەزەڭدە ۇمىتكەرلەر كاسىبي جانە باسقارۋشىلىق قۇزىرەتتەردى باعالاۋ ءۇشىن تەستىلەۋدەن وتەدى، ەكىنشى كەزەڭدە — وقۋعا جىبەرىلەدى، ءۇشىنشى كەزەڭدە — ەلدىڭ جەتەكشى مەكتەپتەرىندە تاعىلىمدامادان وتەدى، ءتورتىنشى كەزەڭدە — قورىتىندى باعالاۋعا قاتىسادى، ال بەسىنشى كەزەڭدە — مينيسترلىك كوميسسياسىمەن اڭگىمەلەسۋدەن وتەدى. بارلىق كەزەڭدەردىڭ ناتيجەلەرى بويىنشا ءبىلىم بەرۋ ۇيىمدارى باسشىلارىنىڭ رەسپۋبليكالىق كادرلىق رەزەرۆى قالىپتاستىرىلادى. بيىلعى جىلى العاشقى كەزەڭدە 13 796 ۇمىتكەر تىركەلدى، بۇل وتكەن جىلمەن سالىستىرعاندا 2,5 ەسە كوپ. بارلىق بەس كەزەڭنىڭ قورىتىندىسى بويىنشا رەسپۋبليكالىق كادر رەزەرۆىنە بالاباقشالار، مەكتەپتەر مەن كوللەدجدەردىڭ باسشىلارى لاۋازىمدارىنا 375 كانديدات ۇسىنىلدى. «وقۋدان، تاعىلىمدامادان جانە اڭگىمەلەسۋدەن وتكەن ۇمىتكەرلەرگە سەرتيفيكات بەرىلەدى. سونىڭ نەگىزىندە ودان ءارى جۇمىسقا ورنالاسۋ ءۇشىن ولار كادر رەزەرۆىنە الىنادى. رەزەرۆتەگىلەر ءبىرىنشى باسشىنىڭ بوس لاۋازىمىنا كونكۋرستىق راسىمدەردەن وتپەي تاعايىندالادى. اتاپ وتەيىك، بارلىق كەزەڭدەردەن ءساتتى ءوتىپ، سەرتيفيكات العاندارعا «باسشى-كوشباسشى» بىلىكتىلىك ساناتى بەرىلەدى»، - دەپ اتاپ ءوتتى ورتا ءبىلىم كوميتەتىنىڭ توراعاسى قانىبەك جۇماشەۆ. ءوتكەن جىلى رەسپۋبليكالىق كادر رەزەرۆىنە 208 كانديدات الىندى، ولاردىڭ 170-ءى مەكتەپ ديرەكتورى لاۋازىمىنا تاعايىندالدى.