2025 جىلدان باستاپ باقشا ەرەكشە ءبىلىم بەرۋ قاجەتتىلىكتەرى بار 100 بالاعا مەكتەپكە دەيىنگى تاربيە مەن وقىتۋدى قامتاماسىز ەتىپ، ولاردىڭ تۇزەتۋ دامۋى مەن الەۋمەتتىك بەيىمدەلۋى ءۇشىن جاعداي جاساپ كەلەدى.
«مەكەمەدە تولىق كۇندىك رەجيمدە ون توپ جۇمىس ىستەيدى، ولاردىڭ ءبىرى قوزعالىس اپپاراتى بۇزىلعان بالالارعا ارنالعان، قالعان توعىز توپ – پسيحيكالىق دامۋى كىدىرگەن بالالارعا. بالالارمەن 50 مامان جۇمىس ىستەيدى، ونىڭ ىشىندە 20 پەداگوگ جانە 5 جاس مامان»، – دەدى بالالار باقشاسىنىڭ ديرەكتورى ايبارشا يسماگۋلوۆا.
ءوڭىر باسشىسى پەداگوگيكالىق ۇجىم مەن اتا-انالار كوميتەتىنىڭ وكىلدەرىمەن سويلەسىپ، بالالاردى وقىتۋ جانە دامىتۋ ءۇشىن قولايلى جاعداي جاساۋ – مەملەكەتتىڭ الەۋمەتتىك ساياساتىنىڭ ماڭىزدى باعىتى ەكەنىن اتاپ ءوتتى.
«ءار بالا باقىتتى ءارى قۋانىشتى بالالىق شاققا لايىق»، - دەپ اتاپ كورسەتتى مارات احمەتجانوۆ، ارنايى اۆتوكولىكتىڭ كىلتىن تابىستاۋ كەزىندە. مودەرنيزاتسيالانعان ميكرواۆتوبۋس كوتەرگىش مەحانيزممەن جابدىقتالعان.
ءباسپاسوز قىزمەتى