كولىكتەگى پوليتسيا دەپارتامەنتىنىڭ ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە بۇرىن الاياقتىق جاساعانى ءۇشىن بىرنەشە رەت سوتتالعان سەمەي تۇرعىنى ۇستالدى، - دەپ حابارلايدى Polica.kz
ول بىرنەشە جىل بويى ءوزىن “بلوگەر” رەتىندە تانىستىرىپ، سەمەي ارقىلى ىشكى جانە حالىقارالىق باعىتتار بويىنشا جۇرەتىن جولاۋشىلار پويىزىنىڭ قىزمەتكەرلەرىن ماسقارالايتىن بەينەماتەريالداردى جاريالايمىن دەپ قورقىتىپ، اقشا بوپسالاپ كەلگەن.
كۇدىكتى جولاۋشى سياقتى پويىزعا وتىرىپ، ءوزىنىڭ جەكە پايداسى ءۇشىن جولاۋشىلار تاسىمالى سالاسىنداعى بۇزۋشىلىقتاردى تەلەفونىنا ءتۇسىرىپ، اقشا بوپسالاۋعا پايدالانعان.
– بۇل قىلمىس ۇزاق ۋاقىت بويى پوليتسيا قىزمەتكەرلەرىنىڭ نازارىنان تىس قالدى، سەبەبى جابىرلەنۋشىلەر قورقىپ، قۇقىق قورعاۋ ورگاندارىنا جۇگىنبەگەن. ۇيىمداسقان قىلمىسقا قارسى كۇرەس باسقارماسىنا “سيگنالدار” تۇسە باستاعاننان كەيىن عانا كۇدىكتىنىڭ زاڭسىز ارەكەتتەرىنە توسقاۋىل قويىلدى. قاسكوي ۇستالىپ، سوت سانكتسياسىمەن قاماۋعا الىندى، – دەدى قر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
قازىرگى ۋاقىتتا قىلمىستىق ءىس بويىنشا جولاۋشىلار پويىزدارىنىڭ 60-تان استام قىزمەتكەرى جابىرلەنۋشى رەتىندە تانىلدى. الدىن الا تەرگەۋ ناتيجەسى بويىنشا ۇستالعان ادامنىڭ بانك شوتتارىنا 2021 جىلدان بەرى 48 ملن تەڭگەدەن استام قاراجات تۇسكەنى انىقتالدى. قىلمىستىق ءىس سوتقا جىبەرىلدى.