قر سيم باتىس قازاقستان وبلىسى بويىنشا ساۋدا جانە تۇتىنۋشىلاردىڭ قۇقىعىن قورعاۋ دەپارتامەنتى الەۋمەتتىك ماڭىزى بار ازىق-تۇلىك تاۋارلارىن ساتىپ الىپ، ساۋدا جەلىلەرى مەن دۇكەندەرگە قايتا ساتاتىن «سميرنوۆا» جك-نىڭ ەلەكتروندى ەسەپ-فاكتۋرالارىنا تالداۋ جۇرگىزدى. تالداۋ بارىسىندا 72,2% مايلىلىعى بار «كرەستيانسكوە» سارى مايىنىڭ كەلىسىن 3380-3557 تەڭگە ارالىعىندا يمپورتتاپ، دۇكەندەرگە 4600 تەڭگەدەن ساتقان. بۇل رەتتە ساۋدا ۇستەمەسى 29,3%-دى قۇراعان. سونىمەن قاتار، 9% مايلىلىعى بار «يز سەلا ۋدوەۆو» سۇزبەسىن 287-301 تەڭگە ارالىعىندا ساتىپ الىپ، ساۋدا نىساندارىنا 59,7% ساۋدا ۇستەمەسىمەن 440-460 تەڭگەدەن ساتقان. وڭىرلىك دەپارتامەنت جەكە كاسىپكەردى قر اقبت كودەكسىنىڭ 204-1 بابى بويىنشا ەسكەرتۋ تۇرىندە اكىمشىلىك جاۋاپكەرشىلىككە تارتتى. الايدا كاسىپكەر قاۋلىمەن كەلىسپەي، ورال قالاسىنىڭ مامانداندىرىلعان سوتىنا قاۋلىنىڭ كۇشىن جويۋ جانە ءىستى توقتاتۋ تۋرالى شاعىم ءتۇسىردى.