ول ءوز قۇرباندارىن 2گيس ءموبيلدى قوسىمشاسىنداعى «پىكىرلەر» بولىمىنەن تاپقان، وندا اتا-انالار بالالارىن مەملەكەتتىك مەكتەپكە دەيىنگى ۇيىمدارعا قابىلداۋعا كومەكتەسۋ تۋرالى وتىنىشتەرىن قالدىرعان. وسىنداي حابارلامالاردى كورىپ، ول اتا-انالارمەن بايلانىسقا شىعىپ، ءوزىن «دەلدال» رەتىندە تانىستىرىپ، سىياقى ءۇشىن «Indigo24.kz» جۇيەسى ارقىلى بالاباقشاعا ورنالاستىرۋعا كومەكتەسەتىنىن ايتقان.
قاراجاتتى العان سوڭ، جاسىرىنعان.
30-دان استام الاياقتىق فاكتىسى انىقتالىپ، كەلتىرىلگەن جالپى شىعىن 1 ملن تەڭگەدەن اسقانى بەلگىلى بولدى. مەملەكەتتىك ايىپتاۋشى ونىڭ كىناسىن تولىق دالەلدەدى.
سوتتا ايەل ءوز كىناسىن مويىنداپ، وكىنەتىنىن ءبىلدىردى جانە جابىرلەنۋشىلەرگە كەلتىرىلگەن شىعىنداردى جارتىلاي قايتاردى، قالعان شىعىن ودان ءوندىرىلدى. جەڭىلدەتەتىن ءمان-جايلاردى ەسكەرە وتىرىپ، سوت وعان 4 جىل مەرزىمگە پروباتسيالىق باقىلاۋمەن بوستاندىقتى شەكتەۋ جازاسىن تاعايىندادى. ۇكىم زاڭدى كۇشىنە ەندى. پروكۋراتۋرا - جەكە دەرەكتەردى اشىق دەرەككوزدەردە، اسىرەسە پىكىرلەردە جاريالاۋ ايتارلىقتاي قاۋىپ تۋدىرۋ مۇمكىندىگى جونىندە ەسكەرتەدى. مەسسەندجەرلەر مەن الەۋمەتتىك جەلىلەردەگى بەيتانىس ادامداردىڭ ۇسىنىستارىنا سەنبەڭىزدەر.
بارلىق مەملەكەتتىك قىزمەتتەر، سونىڭ ىشىندە بالاباقشاعا كەزەككە تۇرۋ — تەك رەسمي تسيفرلىق پلاتفورمالار ارقىلى جۇزەگە اسىرىلادى.
استانا قالاسىنىڭ پروكۋراتۋراسى