«تازا قازاقستان» جالپىۇلتتىق ەكولوگيالىق اكتسياسى اياسىندا رۋدنىي قالاسىنداعى №11 جالپى ءبىلىم بەرەتىن مەكتەپتىڭ «جاسىل پۋلس» ەكولوگيالىق كلۋبى تابيعاتتى قورعاۋ باعىتىندا بەلسەندى جۇمىس جۇرگىزۋدە.
كلۋب مۇشەلەرى ەكولوگيالىق مادەنيەتتى قالىپتاستىرۋ، عىلىمي جوبالاردى دامىتۋ جانە تابيعاتتى ايالاۋ بويىنشا ءتۇرلى باستامالاردى جۇزەگە اسىرىپ كەلەدى. 2012 جىلدان بەرى مەكتەپ بازاسىندا «تىرنالار ۇشادى» قالالىق فەستيۆالى وتكىزىلىپ كەلەدى. بيىل العاش رەت «EcoStartUp Track» ەكولوگيالىق ستارتاپتار بايقاۋى ۇيىمداستىرىلدى.
وقۋشىلار عىلىمي كونفەرەنتسيالار مەن بايقاۋلاردا جوعارى ناتيجە كورسەتىپ، سۋ تازارتۋ، قالدىقتاردى قايتا وڭدەۋ جانە ەكولوگيالىق ادەتتەردى قالىپتاستىرۋعا باعىتتالعان جوبالارىن تانىستىرۋدا. سونداي-اق توبىل وزەنىنىڭ جاعالاۋىندا پلوگگينگ فورماتىنداعى ەكولوگيالىق اكتسيا وتكىزۋ جوسپارلانعان.