مەملەكەت باسشىسىنىڭ باستاماسىمەن 2024–2025 وقۋ جىلىنىڭ باسىنان باستاپ جوبا اياسىندا 254 مىڭ وقۋشى ورنى پايدالانۋعا بەرىلدى. 2025 جىلدىڭ سوڭىنا دەيىن بۇل كورسەتكىش 460 مىڭعا جەتىپ، جارتى ميلليونعا جۋىق بالانىڭ زاماناۋي، قاۋىپسىز جانە جايلى جاعدايدا ءبىلىم الۋىنا مۇمكىندىك بەرىلەدى.
جوبا شەڭبەرىندە ءبىلىم بەرۋ ورتاسىنىڭ فۋنكتسيونالدىعى مەن قاۋىپسىزدىگىنە ەرەكشە ءمان بەرىلۋدە. مەكتەپتەگى كەڭىستىكتەر وقۋشىلاردىڭ جاس ەرەكشەلىكتەرىن ەسكەرە وتىرىپ ۇيىمداستىرىلعان: باستاۋىش جانە جوعارى سىنىپتارعا ارنالعان بولەك بلوكتار قاراستىرىلعان. قاۋىپسىزدىك شارالارى زاماناۋي تەحنيكالىق شەشىمدەر ارقىلى كۇشەيتىلىپ، ەرەكشە ءبىلىم بەرۋ قاجەتتىلىكتەرى بار بالالار ءۇشىن كەدەرگىسىز ورتا قۇرىلۋدا.
«جايلى مەكتەپ» ۇلگىسى بويىنشا سالىنعان جاڭا مەكتەپتەر تيپتىك مەكتەپتەردەن 15–20%-عا كەڭ، بۇل قوسىمشا وقۋ كابينەتتەرى مەن دەمالىس ايماقتارىن ورنالاستىرۋعا مۇمكىندىك بەرەدى. مۇنداي مەكتەپتەر زاماناۋي پاندىك كابينەتتەرمەن – فيزيكا، حيميا، بيولوگيا زەرتحانالارىمەن، كومپيۋتەرلىك سىنىپتارمەن، STEM-زەرتحانالارمەن جانە روبوتوتەحنيكا كابينەتتەرىمەن جابدىقتالعان. ءار وقۋشىعا جەكە شكاف پەن جىلجىمالى پارتا بەرىلەدى. سانيتارلىق تالاپتارعا سايكەس، مەكتەپتىڭ ءار قاباتىندا اۋىزسۋ فونتاندارى ورناتىلعان. سونىمەن قاتار بالالاردىڭ شىعارماشىلىق الەۋەتىن دامىتۋ جانە كاسىبي داعدىلاردى قالىپتاستىرۋ ءۇشىن امبەباپ شەبەرحانالار، ستۋديالار مەن كاسىپتىك وقىتۋ كابينەتتەرى قاراستىرىلعان.
مەكتەپ ينفراقۇرىلىمىندا ەكى كىرەبەرىسى بار اسحانالار، ياعني باستاۋىش جانە جوعارى سىنىپتار ءۇشىن بولەك تاماقتانۋ ايماقتارى ۇيىمداستىرىلعان. سونداي-اق مەكتەپتەردە مەديتسينالىق كابينەتتەر دارىگەر نەمەسە مەدبيكە بولمەسى، يزولياتور جانە پروتسەدۋرالىق بولمەدەن جاساقتالعان.