قىزىلوردا وبلىسىنىڭ اكىمى مۇرات ەرگەشباەۆ جاڭاقورعان كەنتى «ماي بەكەتى» شاعىن اۋدانىنداعى سۋ تاراتۋ ستانتسياسىن جانە قوسىلۋ تارماعىن پايدالانۋعا بەرۋ راسىمىنە قاتىستى.
سالتاناتتى شارادا ايماق باسشىسى اۋدان تۇرعىندارىن كوپتەن كۇتكەن يگىلىكتىڭ ىسكە اسۋىمەن قۇتتىقتادى.
«مەملەكەت باسشىسىنىڭ تاپسىرماسىمەن، باس پروكۋراتۋرانىڭ ۇيىمداستىرۋىمەن 2025-2026 جىلدارى مەملەكەتكە قايتارىلعان اكتيۆتەر ەسەبىنەن وڭىرىمىزگە 45 ملرد. تەڭگە قارجى ءبولىنىپ، 31 جوبا ىسكە استى. ونىڭ ىشىندە جاڭاقورعان كەنتىندەگى سۋ تاراتۋ ستانتسياسىن سالۋعا 1,1 ملرد. تەڭگە قارجى ءبولىنىپ، جۇمىس تولىق اياقتالدى. ناتيجەسىندە، 1500-گە جۋىق ءۇي ساپالى اۋىزسۋمەن قامتىلىپ، تۇرعىندار قۋانىشقا كەنەلىپ جاتىر.
مەملەكەت باسشىسىنا، باس پروكۋراتۋراعا ايماعىمىزداعى اۋقىمدى الەۋمەتتىك جانە ينفراقۇرىلىمدىق جوبالاردىڭ جۇزەگە اسۋىنا قولداۋ كورسەتكەنى ءۇشىن سىر جۇرتشىلىعى اتىنان العىسىمدى بىلدىرەمىن!»، - دەدى مۇرات نالقوجاۇلى.
شارادا وبلىس پروكۋرورى ريزابەك وجاروۆ، جاڭاقورعان كەنتى ارداگەرلەر كەڭەسىنىڭ توراعاسى سەرحوجا ىدىرىسوۆ ءسوز سويلەپ، اۋداننىڭ الەۋمەتتىك-ەكونوميكالىق دامۋىنا ۇلەس قوسقان جانە سۋ تاراتۋ ستانتسياسى قۇرىلىسىن ساپالى جۇرگىزگەن مەردىگەر مەكەمە وكىلدەرى وبلىس اكىمىنىڭ العىس حاتىمەن ماراپاتتالدى.
سوڭعى ءتورت جىلدا پرەزيدەنتتىڭ، ۇكىمەتتىڭ ەرەكشە قولداۋىمەن ءوڭىر بيۋدجەتى 809 ملرد. تەڭگە بولىپ، ەكى ەسە ءوستى. ال دامۋ بيۋدجەتى 4,3 ەسە ارتتى.
بۇل قاراجات ايماقتىڭ ەڭ وزەكتى ماسەلەلەرىن شەشۋگە، اۋقىمدى ينفراقۇرىلىمدىق جوبالاردى ىسكە اسىرۋعا، تۇرعىنداردىڭ ءومىر ءسۇرۋ ساپاسىن جاقسارتۋعا باعىتتالدى.
بۇگىندە وبلىس تۇرعىندارى 100 پايىز ورتالىقتاندىرىلعان ساپالى اۋىز سۋمەن قامتىلعان. جىل سوڭىنا دەيىن 10 ەلدى مەكەن گازداندىرىلىپ، قامتۋ دەڭگەيى 85 پايىز بولادى.
بۇدان بولەك، ءۇي كەزەگىندە تۇرعان ازاماتتاردى باسپانامەن قامتۋ ماقساتىندا 6 200-دەن استام پاتەر بەرۋ جوسپارلانۋدا. وبلىس بويىنشا 141 شاقىرىم اۆتوموبيل جولدارى، كوشەلەر مەن كوپىر وتكەلدەرى جوندەۋدەن وتكىزىلىپ، جاقسى جاعدايداعى جولداردىڭ ۇلەسى 95,5 پايىزعا جەتكىزىلەدى.
قىزىلوردا وبلىسى اكىمىنىڭ ءباسپاسوز قىزمەتى