وبلىس بويىنشا 659,9 مىڭ گەكتارعا اۋىل شارۋاشىلى داقىلدارى ورنالاستىرىلدى. بۇل رەتتە ەگىس القابىن ءارتاراپتاندىرۋ اياسىندا وسىرۋگە ءتيىمدى، شىعىنى از، پايداسى جوعارى اۋىل شارۋاشىلىعى داقىلدارىنا باسىمدىق بەرىلدى.
اتاپ ايتقاندا، 198,9 مىڭ گەكتارعا – جازدىق ماساقتى ءداندى داقىل، 40,6 مىڭ گەكتارعا – مايلى داقىل، 5,6 مىڭ گەكتارعا – قانت قىزىلشاسى، 8,9 مىڭ گەكتارعا – كارتوپ، 34,9 مىڭ گەكتارعا – كوكونىس، 14,0 مىڭ گەكتارعا – باقشا داقىلدارى، 18,8 مىڭ گەكتارعا – داندىك جۇگەرى، 1,5 مىڭ گەكتارعا – سۇرلەمدىك جۇگەرى، 25,3 مىڭ گەكتارعا – كوپجىلدىق جانە 3,7 مىڭ گەكتارعا – بىرجىلدىق ءشوپ ەگىلدى.
كوكتەمگى ەگىس جۇمىستارىنا 8 مىڭنان استام اۋىل شارۋاشىلىعى تەحنيكاسى تارتىلدى. تۇقىم، تىڭايتقىش جانە جانار-جاعارمايمەن قامتاماسىز ەتۋ شارالارى ۋاقىتىلى ورىندالدى.
ۇكىمەت تاراپىنان بولىنگەن 19,9 مىڭ توننا ديزەل وتىنىنىڭ 13,7 مىڭ تونناسى وڭىرگە جەتكىزىلىپ، 9,9 مىڭ تونناسى شارۋالارعا تاراتىلدى. جوسپارلانعان 99,6 مىڭ توننا مينەرالدى تىڭايتقىشتىڭ 50,4 مىڭ تونناسى 252,2 مىڭ گەكتار القاپقا ەندىرىلدى.
كوكتەمگى ەگىس جۇمىستارىن قارجىلاندىرۋعا باعىتتالعان «كەڭ دالا 1» جانە «كەڭ دالا 2» باعدارلامالارىمەن 4,1 ملرد. تەڭگەدەن استام قارجىعا وتىنىمدەر ءتۇسىپ، ونىڭ 3,5 ملرد. تەڭگەسى شارۋالارعا اۋدارىلدى.
2024 جىلى سۋ ۇنەمدەۋ تەحنولوگيالارى 55,4 مىڭ گەكتار جەرگە قولدانىلعان بولسا، بيىل بۇل كورسەتكىش 11,1 مىڭ گەكتارعا ۇلعايىپ، جالپى كولەمى 66,5 مىڭ گەكتارعا جەتتى.
جامبىل وبلىسى اكىمدىگى