ساپار بارىسىندا ءىىم باسشىسى وبلىستىڭ ءىىو جەكە قۇرامىنىڭ دايىندىعىن تەكسەرىپ، قىزمەتتىك ينفراقۇرىلىم وبەكتىلەرىن قاراپ، ارىپتەستەرىمەن كەڭەس وتكىزدى.
اتاپ ايتقاندا، ەرجان سادەنوۆ وبلىس اكىمى نۇرداۋلەت قيلىبايمەن بىرگە پوليتسيا دەپارتامەنتى گوسپيتالىنىڭ جاڭا عيماراتىنىڭ اشىلۋىنا قاتىسىپ، قۇقىق قورعاۋ ورگاندارىنىڭ قىزمەتكەرلەرى مەن ارداگەرلەرىن مەديتسينالىق قامتاماسىز ەتۋ جۇمىسىن جاڭعىرتۋ ىسىمەن تانىستى.
سونىمەن قاتار ۆەدومستۆو باسشىسى اۋداندىق پوليتسيا بولىمدەرى، دەپارتامەنتتىڭ وزگە دە بولىنىستەرى مەن قىزمەتتەرى ءۇشىن جاڭا عيماراتتار سالۋ سياقتى قىزمەتتىك ينفراقۇرىلىمدى دامىتۋ جوبالارىمەن تانىستى.
وبلىس اكىمىنىڭ، اۋماقتىق جانە جەلىلىك پوليتسيا بولىنىستەرىنىڭ، قىلمىستىق-اتقارۋ جۇيەسى مەن ۇلتتىق ۇلاننىڭ باسشى جانە جەكە قۇرامىنىڭ قاتىسۋىمەن وتكەن جەدەل كەڭەستە مينيستر قۇقىق بۇزۋشىلىقتاردىڭ الدىن الۋ جانە حالىق تاراپىنان سەنىمدى ارتتىرۋ جونىندە ناقتى مىندەتتەر قويدى. - بىزدەن زاڭ مەن ءتارتىپتى ىلگەرىلەتۋ جونىندەگى تۇجىرىمدامانى ىسكە اسىرۋدا ناقتى ءىس-قيمىل مەن جاۋاپكەرشىلىك تالاپ ەتىلەدى. الدىن الۋ، جەدەل جۇمىس، حالىقپەن ءوزارا ءىس-قيمىل - ءبارى دە ءتيىستى دەڭگەيدە بولۋى كەرەك، - دەپ اتاپ ءوتتى ەرجان سادەنوۆ.
مينيستر وبلىستىق دەپارتامەنت باسشىلىعىنىڭ قىلمىستىڭ الدىن الۋ، قوعامدىق قاۋىپسىزدىكتى قامتاماسىز ەتۋ جانە ازاماتتاردىڭ قۇقىقتارىن ساقتاۋ بويىنشا قابىلدانىپ جاتقان شارالار تۋرالى باياندامالارىن تىڭدادى.