قما الماتى وبلىسى بويىنشا دەپارتامەنتى تەگىن مەديتسينالىق كومەكتىڭ كەپىلدىك بەرىلگەن كولەمى اياسىندا ستوماتولوگيالىق قىزمەت كورسەتۋ كەزىندە جاسالعان الاياقتىق دەرەگى بويىنشا تەرگەپ-تەكسەرۋدى اياقتادى.
ستوماتولوگيالىق كلينيكالارىنىڭ ديرەكتورى الەۋمەتتىك مەديتسينالىق ساقتاندىرۋ قورى كەاق-پەن جالپى سوماسى 450 ملن تەڭگەدەن اساتىن مەديتسينالىق قىزمەتتەردى ساتىپ الۋ تۋرالى شارتتار جاساسقان.
شارت تالاپتارىنا سايكەس كلينيكالار مىندەتتى الەۋمەتتىك مەديتسينالىق ساقتاندىرۋ جۇيەسى شەڭبەرىندە ازاماتتارعا شۇعىل جانە جوسپارلى ستوماتولوگيالىق كومەك كورسەتۋگە مىندەتتەنگەن.
الايدا كۇدىكتى مەديتسينالىق اقپاراتتىق «Damumed» جۇيەسىنە ورتودونتيالىق قىزمەتتەر كورسەتىلگەنى تۋرالى جالعان مالىمەتتەر ەنگىزۋدى ۇيىمداستىرعان. ناقتىسىندا اتالعان مەديتسينالىق قىزمەتتەر پاتسيەنتتەرگە كورسەتىلمەگەن.
زاڭسىز ارەكەتتەرىنە زاڭدىلىق سيپات بەرۋ ماقساتىندا كۇدىكتى دارىگەرلەردىڭ ەسەپتىك جازبالارىن، سونداي-اق كلينيكالارعا بۇرىن جۇگىنگەن كامەلەتكە تولماعان پاتسيەنتتەردىڭ جەكە دەرەكتەرىن رۇقساتسىز پايدالانعان.
ناتيجەسىندە ورتودونتيالىق كومەك كورسەتۋدىڭ 4 597 راستالماعان جاعدايى انىقتالدى.
كەلتىرىلگەن زالال سوماسى 66 ملن تەڭگەنى قۇرادى.
سوت سانكتسياسىمەن بانكتىك شوتتارداعى 23 ملن تەڭگە كولەمىندەگى قاراجاتقا، سونداي-اق قۇنى 29 ملن تەڭگە تۇراتىن ستوماتولوگيالىق جابدىقتارعا تىيىم سالىندى.
تەرگەۋ بارىسىندا كۇدىكتى 11 ملن تەڭگە كولەمىندە زالالدى وتەگەن. وعان قاتىستى ۇيقاماق تۇرىندەگى بۇلتارتپاۋ شاراسى تاڭدالدى.
قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى.
قر قما ءباسپاسوز قىزمەتى