قىسقاشا ءومىربايانى: ە. توعجانوۆ 1963 جىلى تۋعان. 1988 جىلى قاراعاندى مەملەكەتتىك ۋنيۆەرسيتەتىن، كەيىن، 1994 جىلى قازاقستان رەسپۋبليكاسىنىڭ عىلىم اكادەمياسىنىڭ مەملەكەت جانە قۇقىق ينستيتۋتىن تامامداعان. ماماندىعى - زاڭگەر. ەڭبەك جولىن 1980 جىلى ورال وبلىسى وكتيابر ورمان شارۋاشىلىعىندا جۇمىسشى بولىپ باستاعان. 1988-2001 جىلدارى – قاراعاندى مەملەكەتتىك ۋنيۆەرسيتەتىندە وقىتۋشى، قر عىلىم اكادەمياسىنىڭ مەملەكەت جانە قۇقىق ينستيتۋتىنىڭ ديرەكتورى، فاكۋلتەت دەكانى، قازاق مەملەكەتتىك زاڭ ۋنيۆەرسيتەتى استانا فيليالىنىڭ ديرەكتورى. 2001-2006 جىلدارى – قاراعاندى وبلىسى اكىمىنىڭ ورىنباسارى، 2006-2008 جىلدارى – قازاقستان رەسپۋبليكاسى ادىلەت مينيسترلىگىنىڭ ءدىن ىستەرى جونىندەگى كوميتەت توراعاسى، 2008-2017 جىلدارى – قازاقستان حالقى اسسامبلەياسى توراعاسىنىڭ ورىنباسارى، قر پرەزيدەنتى اكىمشىلىگىنىڭ قازاقستان حالقى اسسامبلەياسىنىڭ حاتشىلىعىنىڭ مەڭگەرۋشىسى، قر پرەزيدەنتى اكىمشىلىگىنىڭ ىشكى ساياسات ءبولىمىنىڭ سەكتور مەڭگەرۋشىسى قىزمەتتەرىندە بولدى. كەيىن، 2017-2019 جىلدارى – ماڭعىستاۋ وبلىسىنىڭ اكىمى. 2019-2020 جىلدارى- قر كاسىپوداقتار فەدەراتسياسىنىڭ توراعاسى. 2020 - 2022 جىلدار ارالىعىندا پرەمەر-ءمينيستردىڭ ورىنباسارى قىزمەتىندە بولدى. ال، 2022 جىلى اقتوبە وبلىسىنىڭ اكىمى بولىپ تاعايىندالدى. ول 2023 جىلعى 5 قىركۇيەكتە بۇل قىزمەتىنەن بوساتىلدى.