مەملەكەت باسشىسى قاسىم-جومارت توقاەۆتىڭ جارلىعىمەن ەرلان قۇدايبەرگەنۇلى اقكەنجەنوۆ قازاقستان رەسپۋبليكاسىنىڭ ەنەرگەتيكا ءمينيسترى لاۋازىمىنا تاعايىندالدى، – دەلىنگەن اقوردا حابارلاماسىندا.
پرەمەر-مينيستر ولجاس بەكتەنوۆ مەملەكەت باسشىسىنىڭ جارلىعىمەن ەنەرگەتيكا ءمينيسترى بولىپ تاعايىندالعان ەرلان قۇدايبەرگەنۇلى اقكەنجەنوۆتى مينيسترلىك ۇجىمىنا تانىستىردى.
ەرلان اقكەنجەنوۆ 1979 جىلى الماتى قالاسىندا دۇنيەگە كەلگەن.
«ادىلەت» جوعارى قۇقىق مەكتەبىن جانە «استانا» ۋنيۆەرسيتەتىن بىتىرگەن.
ەڭبەك جولىن 2002 جىلى جەكەمەنشىك ۇيىمدا باس مامان بولىپ باستاعان.
2004-2012 جىلدارى مۇناي سالاسىنداعى كاسىپورىنداردا باسشىلىق لاۋازىمداردا بولدى.
2012-2016 جىلدارى KPMG International (Rompetrol) كومپانياسىندا باس مەنەدجەر، ترەيدينگ جونىندەگى اعا باسقارۋشى ديرەكتور بولىپ جۇمىس ىستەدى.
2016 جىلدان 2022 جىلعا دەيىن كوممەرتسيالىق قۇرىلىمداردا، 2022 جىلى «قازمۇنايگاز» ۇك» اق مۇناي ونىمدەرى ماركەتينگى باسقارماسىنىڭ باستىعى بولىپ قىزمەت ەتتى.
بۇعان دەيىن ول ەنەرگەتيكا ۆيتسە-ءمينيسترى قىزمەتىن اتقارعان. ول بۇل لاۋازىمعا 2023 جىلعى 21 ماۋسىمدا تاعايىندالعان بولاتىن.