بۇل جولى 15 تۇرعىننىڭ تاراپىنان جۇمىسپەن قامتۋ جانە الەۋمەتتىك باعدارلامالار، تۇرعىن-ءۇي كوممۋنالدىق شارۋاشىلىق، جەر قاتىناستارى، قۇرىلىس، كاسىپكەرلىك، تۋريزم سالالارىنا قاتىستى ۇسىنىس-پىكىرلەر ايتىلدى.
ءوز كەزەگىندە ەربول قاراشوكەەۆ حالىق كوتەرگەن تۇيتكىلدەر قاراۋسىز قالمايتىنىن ايتىپ، ماسەلەلەردى شەشىمىن تاپقانشا ءوز باقىلاۋىندا ۇستايتىنىن اتاپ ءوتتى.
كەلىپ تۇسكەن وتىنىشتەردى جان-جاقتى زەردەلەۋ بويىنشا تاراز قالاسى مەن اۋدان اكىمدەرىنە، باسقارما باسشىلارىنا بىرقاتار تاپسىرما جۇكتەلدى.
ەسكە سالا كەتەيىك، وبلىس اكىمىنىڭ ازاماتتاردى جەكە ماسەلەلەرى بويىنشا قابىلداۋى الدىن الا جازىلۋ ارقىلى تۇراقتى نەگىزدە جۇرگىزىلەدى. ول ءۇشىن تۇرعىندار «E-Otinish» اقپاراتتىق جۇيەسى ارقىلى نەمەسە تاراز قالاسى اباي داڭعىلى، 127 مەكەنجايىندا ورنالاسقان «ازاماتتاردى قابىلداۋ» ورتالىعىنا كەلىپ جازىلا الادى.