قولا مەدال ءۇشىن بەلدەسۋدە جەرلەسىمىز باۋىرجان ارستانبەكوۆپەن كەزدەسۋى ءتيىس ەدى. الايدا قارسىلاستىڭ باس تارتۋىنا بايلانىستى جەڭىس ەرعاليعا بەرىلدى.
ەرعالي شامەي بۇعان دەيىن 1/8 فينالدا ءۇش دۇركىن پاراليمپيادا جۇلدەگەرى، فرانتسيالىق سيريل جونارمەن 7 مينۋت بويى تاباندى كۇرەسىپ، وكىنىشكە قاراي، جەڭىستى قولدان جىبەردى. ايتا كەتۋ كەرەك، ەرعالي الەم چەمپيوناتىنا جاڭادان اۋىسقان سالماقتا – 81 كەلىدە قاتىسىپ وتىر. بۇعان دەيىن ول 73 كەلى سالماق دارەجەسىندە ونەر كورسەتكەن.
وسىلايشا، 2025 IBSA Judo World Championships Astana جارىسىنىڭ العاشقى كۇنىندە قازاقستاندىق پارا دزيۋدوشىلار جالپى 5 جۇلدە جەڭىپ الدى. اتاپ ايتقاندا، قازاقستان قۇراماسى 1 التىن، 1 كۇمىس جانە 3 قولا مەدال يەلەندى.
ايتا كەتەيىك، ءار ءتورت جىل سايىن وتەتىن بۇل ماڭىزدى دوداعا الەمنىڭ 40 ەلىنەن 350-دەن استام سپورتشى قاتىسىپ جاتىر. بيىلعى جاھاندىق باسەكەگە 15-تەن استام پاراليمپيادا چەمپيونى مەن الەمدىك سپورت جۇلدىزدارى ارنايى كەلگەن.