شاراعا عىلىم جانە جوعارى ءبىلىم ءمينيسترىنىڭ كەڭەسشىسى رۋسلان ەمەلباەۆ، استانا قالاسى ءبىلىم باسقارماسىنىڭ باسشىسى قاسىمحان سەنعازىەۆ، ۇلتتىق تەستىلەۋ ورتالىعى ديرەكتورىنىڭ ورىنباسارى ناۋجان ديداربەكوۆا، ەۇۋ اكادەميالىق ماسەلەلەر جونىندەگى پرورەكتورى ارداق بەيسەنباي جانە شەتەلدىك جوو فيليالدارىنىڭ وكىلدەرى قاتىستى.
«Study in Kazakstan» كورمەسىنىڭ نەگىزگى ماقساتى – قازاقستاننان شىقپاي-اق شەتەلدىك جوو-دا ءبىلىم الۋعا مۇمكىندىك جاساۋ. قازىرگى تاڭنىڭ وزىندە ەلىمىزدىڭ كوپتەگەن وڭىرلەرىندە شەتەلدىڭ بىلىكتى جوو-مەن بايلانىس ورناتىلىپ، قوس ديپلوم جۇيەسى بويىنشا ءبىلىم الۋعا جاعداي جاسالعان. الداعى ۋاقىتتا شەتەلدىك جوعارى وقۋ ورىندارىنىڭ سانىن ارتتىرۋ كوزدەلۋدە. بۇل تۋرالى عىلىم جانە جوعارى ءبىلىم ءمينيسترىنىڭ كەڭەسشىسى رۋسلان ەمەلباەۆ ءوز بايانداماسىندا اتاپ ءوتتى.
«سىزدەردىڭ ءبىلىم الۋلارىڭىزعا ەلىمىز تاراپىنان بارلىق جاعدايلار جاسالۋدا. الداعى ۋاقىتتا شەتەلدىك جوو فيليالدارىنىڭ سانىن ارتتىرىپ، قوس ديپلوم باعدارلاماسى بويىنشا اۋقىمدى جۇمىستار اتقارىلادى. وسى ءوتىپ جاتقان كورمەدەن كەرەكتى اقپاراتتاردى الا الاسىزدار دەگەن سەنىمدەمىن. سىزدەرگە الداعى ۋاقىتتا ساتتىلىك تىلەيمىن!»، – دەدى رۋسلان ەمەلباەۆ.
ايتا كەتەيىك، تالاپكەرلەر شەتەلدىك جوعارى وقۋ ورىندارىنىڭ فيليالدارىنا ۇلتتىق بىرىڭعاي تەستىلەۋدىڭ ناتيجەسىمەن تۇسە الادى. بۇل دەگەنىمىز – ەلىمىزدە ءجۇرىپ، ءوزىڭىز ارمانداعان وقۋ ورنىنىڭ ديپلومىنا قول جەتكىزۋگە بىردەن-ءبىر مۇمكىندىك.
عىلىم جانە جوعارى ءبىلىم مينيسترلىگى