ء"بىز الەۋمەتتىك نىسانداردىڭ قۇرىلىسىنا ەرەكشە نازار اۋدارامىز. ولار – مەكتەپ، بالاباقشا، وقۋشىلار سارايى، مەديتسينالىق مەكەمە جانە ت.ب. ماسەلەن، ەلوردادا 2017 جىلدان باستاپ مەملەكەتتىك بالاباقشالاردىڭ قۇرىلىسى توقتاپ قالدى. ال ونى ءبىز قايتا جانداندىردىق. كوپتەگەن جۇيەلى جۇمىس جۇرگىزدىك: العاشقى جەر تەلىمدەرىن بەلگىلەدىك، ينجەنەرلىك جەلىلەردى، باسقا دا قاجەتتى ينفراقۇرىلىمداردى دايىندادىق.
قر پارلامەنتى ءماجىلىسىنىڭ دەپۋتاتى مۇرات ابەنوۆپەن بىرگە قۇرىلىسى ءجۇرىپ جاتقان بىرقاتار الەۋمەتتىك نىساندى ارالادىق. بيىل 11 بالاباقشانى پايدالانۋعا بەرۋدى جوسپارلاپ وتىرمىز. ولار – جەرگىلىكتى بيۋدجەت ەسەبىنەن 1500 ورىندىق 5 بالاباقشا، جەكە ينۆەستيتسيا ەسەبىنەن 1094 ورىندىق 4 بالاباقشا، تۇرعىن ۇيلەردىڭ ءبىرىنشى قاباتىندا 185 ورىنعا ەسەپتەلگەن بالاباقشا، سونداي-اق 120 ورىندىق جاڭعىرتىلعان عيمارات. اتالعان بالاباقشالاردا 2899 ورىن اشىلادى.
سونىمەن قاتار، جاڭا وقۋ جىلىندا تاعى 15 مەكتەپ اشامىز. وتكەن وقۋ جىلىندا 24 وقۋ ورنىن سالىپ، قولدانىسقا بەردىك. ونىڭ 16-سى – «جايلى مەكتەپ» ۇلتتىق جوباسى اياسىندا. الەۋمەتتىك نىسانداردى سالۋعا دا جەكە قاراجات تارتامىز.
وسىلايشا، ەلوردامىز الەۋمەتتىك جانە ينجەنەرلىك ينفراقۇرىلىمعا باسا نازار اۋدارا وتىرىلىپ، دامىپ جاتىر. مىسالعا الار بولساق، وسىعان دەيىن قالادا بىرقاتار گاز جىلىتۋ ستانتسياسى، اۋىز سۋ ستانتسياسى (سسس 3) سالىندى. سول سياقتى «اراي» ەلەكترلى قوسالقى ستانتسياسى، «تەلمان» گجس، كارىز جەلىلەرى، ت.ب. سالىنىپ جاتىر. اتالعان تىرشىلىكتى قامتاماسىز ەتۋ نىساندارى قالانى جىلۋمەن، سۋمەن، ەلەكتر ەنەرگياسىمەن قامتاماسىز ەتەدى" ، -دەپ جازدى جەڭىس قاسىمبەك.