ارمان جۇماگەلديەۆكە قاتىستى ءىس بويىنشا سوت تەرگەۋى جەلتوقسان ايىندا اياقتالعان بولاتىن. ايىپتالعان كۇدىكتىلەرگە قاتىستى سوت پروتسەسى جابىق ءوتتى. پروكۋرور «ديكي ارمانعا» 20 جىل، قايرات قۇدايبەرگەنگە 8 جىل سۇرادى. ارمان جۇماگەلديەۆكە قاڭتار وقيعاسى كەزىندە 24 ادامدى ۇرلاپ كەتتى دەپ ايىپ تاعىلعان بولاتىن. وسىلايشا 20 جىلعا سوتتالدى.
بىلتىر 21 قىركۇيەكتە ارمان جۇماگەلديەۆ پەن قايرات قۇدايبەرگەن جانە باسقا دا تۇلعالارعا قاتىستى قىلمىستىق ءىس بويىنشا الدىن الا تىڭداۋ اياقتالعانى تۋرالى باق تاردا جاريالانعان.
ايتا كەتۋ كەرەك، كريمينالدى اۆتوريتەت ارمان جۇماگەلديەۆ 2022 جىلى 7 قاڭتاردا ۇستالدى. ءىس بويىنشا ايىپتالۋشىلار قاتارىندا الماتى قالاسى ءماسليحاتىنىڭ بۇرىنعى دەپۋتاتى قايرات قۇدايبەرگەن مەن ۇلتتىق قاۋىپسىزدىك كوميتەتىنىڭ پولكوۆنيگى رۋسلان ىسقاقوۆ جانە تاعى باسقا دا تۇلعالار بار. باس - اياعى 42 ادام ايىپتالعان.
ولارعا «بيلىگىن اسىرا پايدالانۋ»، ۇيىمداسقان قىلمىستىق توپ قۇرۋ جانە وعان باسشىلىق جاساۋ، قاراقشىلىق شابۋىل، زاڭسىز ادامداردى بوستاندىعىنان ايىرۋ، جاپپاي تارتىپسىزدىك ۇيىمداستىرۋ، سونداي-اق بانديتيزم بويىنشا ايىپ تاعىلعان.