بۇل تۋرالى Ras.kz Kazinform-عا سىلتەمە جاساپ حابارلايدى.
نۇراسىل بولاتتتىڭ الماتىدا تۇندە تويدا جۇرگەن ۆيدەوسى الەۋمەتتىك جەلىدە تارادى.
زاڭ بويىنشا ول بوستاندىعىن شەكتەۋ رەجيمىنە بايلانىستى بۇل ۋاقىتتا ۇيىندە بولۋى ءتيىس.
قىلمىستىق اتقارۋ جۇيەسى كوميتەتىنىڭ مالىمەتىنشە، نۇراسىل بولات الماتى قالاسىنىڭ پروباتسيا قىزمەتىندە ەسەپتە تۇر.
«پروباتسيالىق باقىلاۋدى بۇزۋ فاكتىسى بويىنشا سوتتالعان ادامعا ەسكەرتۋ جاسالدى، جازانى باس بوستاندىعىنان ايىرۋعا اۋىستىرۋ تۋرالى ماسەلەنى شەشۋ ءۇشىن سوتقا ماتەريال دايىندالىپ جاتىر»، - دەپ حابارلادى قىلمىستىق-اتقارۋ جۇيەسى كوميتەتىنەن.
وسىعان دەيىن الەۋمەتتىك جەلىدە ءماجىلىس دەپۋتاتى داۋلەت تۇرلىحانوۆتىڭ بوستاندىعى شەكتەلگەن ۇلى نۇراسىل بولاتتىڭ تۇنگى ۋاقىتتا ەمىن-ەركىن جۇرگەن ۆيدەوسى تاراعان ەدى.
ەسكە سالا كەتەيىك، 2023 جىلى اقپاندا نۇراسىل بولات الماتىدا زاڭگەر اننا دميتريەۆيچ پەن ونىڭ جۇبايى ولەگ چەرنوۆتى سوققىعا جىققان ەدى.
كەيىن سپورت قايراتكەرى داۋلەت تۇرلىحانوۆ بالاسىنىڭ بۇزاقىلىق ارەكەتىنە بايلانىستى پىكىر ءبىلدىرىپ، ۇلىنىڭ ىسىنە ارالاسپايتىنىن ايتتى.
ال بىلتىر 2 شىلدە كۇنى ول مەرزىمدى اسكەري بورىشىن وتەپ جاتقان جەرى – قوناەۆ گارنيزونى اسكەري بولىمدەرىنىڭ بىرىنەن قاشىپ كەتكەن بولاتىن.
كەيىن كوپ وتپەي تابىلىپ، قىزمەت اتقاراتىن ورنىنا جەتكىزىلدى.
الماتى گارنيزونى ءبولىم باستىعىنىڭ بۇيرىعىنا باعىنباعانى جانە ورىنداماعانى ءۇشىن اكىمشىلىك جاۋاپكەرشىلىككە تارتىلدى.
2023 جىلى 9 قازاندا داۋلەت تۇرلىحانوۆتىڭ ۇلىنا سوت ۇكىمى شىقتى.
پروكۋرور سوتتالۋشى ب-عا 1 جىل 6 اي باس بوستاندىعىن شەكتەۋ تۇرىندە جازا تاعايىنداۋدى سۇرادى.
بيىل مامىردا جوعارعى سوت داۋلەت تۇرلىحانوۆتىڭ ۇلىنا كەسىلگەن ۇكىمدى وزگەرتتى. سودان سوڭ داۋلەت تۇرلىحانوۆ ۇلىنىڭ سوت ۇكىمىنە قاتىستى پىكىر ءبىلدىردى.
«سوت شەشىمى بار، بىراق اكە رەتىندە ارقاشان ۇلىم ءۇشىن الاڭدايمىن»، - دەپ جاۋاپ بەردى داۋلەت تۇرلىحانوۆ ءماجىلىس الاڭىندا باق وكىلدەرىنىڭ ساۋالىنا جاۋاپ بەرىپ.