استانا قالاسىنداعى Qazaq Creative Hub الاڭىندا الداعى دەمالىس كۇندەرى «Creative Aimaq» رەسپۋبليكالىق جوباسى اياسىندا جەتىسۋ وبلىسىنىڭ ءداستۇرى، مادەنيەتى، ونەرى مەن زاماناۋي شىعارماشىلىعىن دارىپتەيتىن جارمەڭكە وتەدى، دەپ حابارلايدى ەلوردا اكىمدىگىنىڭ رەسمي سايتى.
ەكى كۇن بويى ەلوردا تۇرعىندارى مەن قوناقتارى ءوڭىردىڭ ۇلتتىق مۇراسى مەن شىعارماشىلىق الەۋەتىمەن تانىسا الادى. جارمەڭكەدە ءوڭىردىڭ تابيعاتى مەن تۋريستىك الەۋەتىن تانىستىراتىن Welcome Zone ينتەراكتيۆتى ايماعى اشىلادى.
ۇلتتىق اسپاپتار الەمىندە قازاقتىڭ ءداستۇرلى مۋزىكالىق اسپاپتارى تانىستىرىلادى. Nomad Art Hall الاڭىندا «Zhetysu Creative» بەينەروليگى، ب. ريموۆا اتىنداعى اكادەميالىق دراما تەاترىنىڭ تەاترلاندىرىلعان قويىلىمى جانە Nomad Style Show ۇسىنىلادى. Ethno Village اۋماعىندا ۇلتتىق تۇرمىس، ات ابزەلدەرى، اعاش جانە سۇيەك بۇيىمدارى تانىستىرىلادى.
ءىس-شارا 15-16 تامىزدا جوشى حان كوشەسى، 16/2 مەكەنجايىنداعى Qazaq Creative Hub الاڭىندا وتەدى.