بۋكمەكەرلىك كەڭسەلەر كامالا ءحارريستىڭ جەڭىسكە جەتەتىنىنە شىنىمەن سەنبەيدى. ولار دونالد ترامپ تولقىمالى شتاتتاردا كوبىرەك جەڭەدى دەپ سەنەدى.
دونالد ترامپ پرەزيدەنت سايلاۋىنا وسىمەن ءۇشىنشى رەت قاتىسىپ وتىر، بۋكمەكەرلىك كەڭسەلەر ونىڭ بۇل باسەكەدە جەڭىمپاز بولاتىنىنا بەك سەنىمدى.
ولاردىڭ پايىمداۋىنشا، ميللياردەر جانە بۇرىنعى مەملەكەت باسشىسىنىڭ جەڭىسكە جەتۋ ىقتيمالدىعى 60 پايىزدان اسادى، كامالا حارريس – 40 پايىزدان تومەن.
بۇعان دەيىن بۋكمەكەرلىك كەڭسەلەر ەشقاشان ترامپتى پرەزيدەنتتىك ناۋقانداردا فاۆوريت رەتىندە اتاماعان بولاتىن.
2020 جىلى سايلاۋعا ءبىر كۇن قالعاندا، ولار دجو بايدەننىڭ جەڭىسكە جەتۋ ىقتيمالدىعىن 60-70%، ترامپتى 30-40% دەڭگەيىندە باعالاعان.
ال ءتورت جىل بۇرىن بۋكمەكەرلىك كەڭسەلەردىڭ ايتۋىنشا، رەسپۋبليكاشىلار ءۇشىن جاعداي ودان دا ناشار بولعان. ونىڭ اق ءۇيدى باسقارۋ ىقتيمالدىعى شامامەن 20% (حيللاري كلينتون – 80%) دەپ باعالاندى. دەگەنمەن ءدال سول سايلاۋدا ترامپ جەڭىسكە جەتتى.