تاعى ءبىر ەرەكشەلىگى - ەل اراسىنداعى قاراپايىم عانا وقيعالاردىڭ ءوزىن ۇلتتىق دەڭگەي ولشەمىنەن اسىرىپ، ادامزاتتىق بيىككە شىعارا بىلۋىندە. كەزىندە شاكىرتتەرى مارقۇم كوپەن امىربەك ء"جۇرسىن - اقىندار ۋنيۆەرسيتەتىنىڭ ەشقانداي بۇيرىقسىز بەكىتىلگەن رەكتورى" دەگەن ەدى. راسىندا، بۇل - ۇلكەن تەڭەۋ. ءجۇرسىن ەرمان - 1951 جىلى 12 اقپاندا قاراعاندى وبلىسى، ۇلىتاۋ اۋدانىندا دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.
1980 جىلعا دەيىن جەزدى اۋدانى «وكتيابر تۋى» گازەتىنىڭ ادەبي قىزمەتكەرى، 1971-1978 جىلدارى جەزقازعان وبلىستىق تەلەراديوكوميتەتىنىڭ اعا رەداكتورى، 1978-1980 جىلدارى جەزقازعان وبلىستىق تەلەراديوكومپانياسىنىڭ باس رەداكتورى قىزمەتىندە بولادى. كەيىن، قازاق رەسپۋبليكالىق تەلەۆيزياسىنىڭ باس رەداكتورى، 1992-1996 جىلدارى «قازاق ادەبيەتى» گازەتىنىڭ، «جۇلدىز» جۋرنالىنىڭ ءبولىم مەڭگەرۋشىسى، «قازاق مەملەكەتى» گازەتى باس رەداكتورىنىڭ ءبىرىنشى ورىنباسارى، «قازاقستان قاناتى» - «كرىليا كازاحستانا» گازەتىنىڭ باس رەداكتورى قىزمەتتەرىن ابىرويمەن اتقاردى. وسى ۋاقىت ارالىعىندا شىعارماشىلىق جۇمىستان دا قاشىق بولمادى. 2003-2006 جىلدارى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى گۋمانيتارلىق عىلىمي-زەرتتەۋ ورتالىعىنىڭ جەتەكشى عىلىمي قىزمەتكەرى، زەرتحانا مەڭگەرۋشىسى، 2006-2007 جىلدارى «قازاقستان» رەسپۋبليكالىق تەلەراديوكورپوراتسياسى اق باسقارما توراعاسىنىڭ ورىنباسارى - قازاق راديوسىنىڭ باس ديرەكتورى قىزمەتتەرىندە بولدى. العاشقى ولەڭدەر جيناعى - «جانارتاۋ» 1983 جىلى جارىق كوردى. «ۇلىتاۋعا باردىڭ با؟..»، «قۇدىرەتكە جۇگىنۋ» ، «ەكى تىزگىن، ءبىر شىلبىر» اتتى ەڭبەكتەردىڭ اۆتورى.
ءجۇرسىن ەرماننىڭ شاعىرماشىلىعى مەن ونەرىندە ادام قۇندىلىقتار، رۋحاني تاقىرىپتار مەن ادامنىڭ بولمىسى، تابيعاتى، قوعامنىڭ بەينەسى ت.س. سۇراقتار ارقاشان قامتىلعان.
مۇقاعالي ماقاتاەۆ اتىنداعى سىيلىقتىڭ يەگەرى، قازاق ايتىسىنىڭ قارا نارى اتانعان ءجۇرسىن ەرمان بۇگىن 74 جاسقا تولىپ وتىر.