كۇدىكتى 2018 جىلى ەكىنشى دەڭگەيدەگى بانكتەردىڭ ءبىرىنىڭ ءموبيلدى قوسىمشاسىندا ورىن العان جۇيەلىك قاتەلەردى پايدالانىپ، بانك كارتاسىنىڭ اعىمداعى شوتىنداعى تەڭگەرىمنەن اساتىن سومالارعا ويدان شىعارىلعان اۋدارىمدار جاساعان.
سونىڭ سالدارىنان بانككە 55 ملن تەڭگە كولەمىندە شىعىن كەلتىرىلگەن.
قىلمىس جاساعاننان كەيىن كۇدىكتى جاسىرىنىپ، وعان حالىقارالىق ىزدەۋ جاريالانعان.
وسى جىلى ول شۆەتسيا كورولدىگىنىڭ اۋماعىندا ۇستالىپ، قازاقستان باس پروكۋراتۋراسىنىڭ سۇراۋى بويىنشا ەلىنە ەكستراديتسيالاندى.
قازىر كۇدىكتى ۋاقىتشا ۇستاۋ يزولياتورىنا قامالدى.
ايىپتالعان قىلمىستى جاساعانى ءۇشىن مۇلكى تاركىلەنىپ، بەس جىلدان ون جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
ايتا كەتەيىك، شۆەتسيامەن ەكستراديتسيالاۋ تۋرالى كەلىسىم بولماسا دا، 2023 جىلدان بەرى بۇل ەلدەن قازاقستانعا 4 ادام، ونىڭ ىشىندە جالعان اقشا جاساۋ جانە الاياقتىق ءۇشىن ەكستراديتسيالانعان.
باس پروكۋراتۋرانىڭ ءباسپاسوز قىزمەتى