ءىس-شارا 12-21 ءساۋىر ارالىعىندا استانا قالاسىنىڭ جالپى ورتا ءبىلىم بەرۋ ۇيىمدارىندا وتەدى.
ءىس-شارانىڭ ماقساتى – وقۋشىلاردى كوركەم ادەبيەتكە باۋلۋ، بالالار ادەبيەتىنىڭ تاربيەلىك ءمانىن ارتتىرۋ، وقىرماندىق مادەنيەتتى قالىپتاستىرۋ جانە وقۋشىلاردىڭ شىعارماشىلىق قابىلەتتەرىن دامىتۋ.
ونكۇندىك باعدارلاماسى «عىلىمعا اپارار جول» تاقىرىبىمەن باستالىپ، عىلىمي كورمەلەر، موتيۆاتسيالىق كەزدەسۋلەر، فوتوكورمەلەر مەن عىلىمي فيلمدەر كورسەتىلىمىن قامتيدى. سونىمەن قاتار، جازۋشىلار، اقىندار جانە ونەر قايراتكەرلەرىمەن كەزدەسۋلەر، ادەبي كەشتەر مەن شىعارماشىلىق شارالار ۇيىمداستىرىلىپ، وقۋشىلاردىڭ رۋحاني دامۋىنا ەرەكشە كوڭىل بولىنەدى.
«قازىرگى بالالار جانە رۋحاني قۇندىلىقتار»، «كىتاپ جانە تسيفرلىق الەم» تاقىرىپتارىندا پىكىرتالاستار، چەللەندجدەر، STEM كورمەلەر مەن ونلاين فورماتتاعى ءىس-شارالار وتكىزۋ جوسپارلانعان.
سونداي-اق، وتباسىلىق كىتاپ وقۋ ءداستۇرىن ناسيحاتتاۋ ماقساتىندا بىرلەسكەن وقۋ ساعاتتارى، فوتوكورمەلەر مەن مارافوندار ۇيىمداستىرىلادى.
كۋەست ويىندارى، ادەبي ۆيكتورينالار، كىتاپ جارمەڭكەلەرى مەن شىعارماشىلىق بايقاۋلار ارقىلى وقۋشىلاردىڭ قىزىعۋشىلىعىن ارتتىرۋ كوزدەلگەن.
ءىس-شارالار بالالاردىڭ كىتاپ وقۋعا دەگەن قىزىعۋشىلىعىن ارتتىرىپ، زياتكەرلىك جانە رۋحاني دامۋىنا وڭ ىقپال ەتەدى.