سولاردىڭ ىشىندە – جاڭا مەكتەپ قۇرىلىسىن ءبىر ءسات تە توقتاپتاۋ، ءۇش اۋىسىمدا ءبىلىم بەرەتىن مەكتەپتەردىڭ سانىن قىسقارتۋ، مەكتەپ تاپشىلىعى ماسەلەسىن شەشۋ ت.س. سۇراقتار بۇگىندە كۇن تارتىبىنە شىعىپ وتىر. وسى تاپسىرمانىڭ ورىندالۋ ينديكاتورلارى بويىنشا اقتوبە وبلىسى كوش باستاپ تۇر دەگەن اقپارات رەسمي باق دا جاريالاندى. اقتوبە وبلىسىندا وقۋشىلار ورنىنىڭ تاپشىلىعى مەن ءۇش اۋىسىمدا ءبىلىم بەرەتىن مەكتەپتەردىڭ سانىن قىسقارتۋ ماسەلەسىن شەشۋ بويىنشا قارقىندى جۇمىستار جۇرگىزىلۋدە.ء بىلىم بەرۋ مەكەمەلەرىنە دەگەن سۇرانىستىڭ ارتۋىنا بايلانىستى وبلىستا 2023-2025 جىلدار ارالىعىندا 44 مەكتەپ سالۋ جوسپارلانعان. ونىڭ بەسەۋى اپاتتى جاعدايداعى مەكتەپتەردىڭ ورنىنا سالىنۋى ءتيىس. قالعان توعىزى بالالاردى تولتىرۋ ماسەلەسىن شەشۋ ءۇشىن، 21-ءى ورىن تاپشىلىعى ماسەلەسىن جويۋ ماقساتىندا سالىنۋى كەرەك. بىلتىر 5 مەكتەپ پايدالانۋعا بەرىلدى. ولاردىڭ ەڭ ۇلكەنى – «التىن وردا» شاعىن اۋدانىندا سالىنعان 2620 ورىندىق Bilimsmart مەكتەبى. قازىرگى تاڭدا مەكتەپتە 5233 وقۋشى ءبىلىم الۋدا. سونىمەن قاتار، No14 جانە No12 مەكتەپتەردەگى ورىن تاپشىلىعىن جويۋ باعىتىندا دا ءبىرشاما ىلكىمدى جۇمىستار اتقارىلدى. العا اۋدانى مارجانبۇلاق اۋىلىندا اشىلعان ورتا مەكتەپ ءوز كەزەگىندە ورىن تاپشىلىعى ماسەلەسىن شەشتى. بيىلعى جىلى جوسپار بويىنشا 12 مەكتەپ پايدالانۋعا بەرىلۋى ءتيىس. بۇگىندە ونىڭ التاۋىندا ساباق ءوتىپ جاتىر. قالعان نىسانداردى جىل سوڭىنا دەيىن اياقتاۋ جوسپارلانعان. مەملەكەت باسشىسىنىڭ باستاماسىمەن قولعا الىنعان «جايلى مەكتەپ» ۇلتتىق جوباسى اياسىندا «ەسەت باتىر-3» شاعىن اۋدانىندا 2000 ورىندىق مەكتەپ، «اقجار-2» تۇرعىن الابىندا 300 ورىندىق مەكتەپ سالىنۋدا. اتالمىش ءبىلىم وردالارىن ىسكە قوسۋ ارقىلى اۋداندارداعى مەكتەپ تاپشىلىعى ماسەلەسى شەشىلىپ قانا قويماي، وقۋشىلاردىڭ الاڭسىز ءبىلىم الۋىنا قولايلى جاعداي تۋادى. 20-دان استام مەكتەپتىڭ قۇرىلىسى 2025 جىلعا شەگەرىلدى. «ءبىزدىڭ ماقساتىمىز – وبلىستاعى بارلىق بالالاردىڭ ساپالى ءبىلىم الۋىنا ءتيىمدى جاعداي جاساۋ. ال، جاڭا مەكتەپتەردىڭ سالىنۋى، ەسكىلەرىنىڭ جاڭارتىلۋى بىزگە جۇكتەلگەن بارلىق مىندەتتەردى شەشەدى. مەكتەپ جاسىنداعى بالالار سانىنىڭ ارتۋىنا بايلانىستى جاڭا ءبىلىم وشاقتارىن سالۋ ماسەلەسى بۇگىندە كۇن تارتىبىندە تۇر. سالىنىپ جاتقان نىساندار كەزەڭ-كەزەڭىمەن پايدالانۋعا بەرىلەدى.حالىق تىعىز ورنالاسقان اقتوبە قالاسىندا جاڭا ۇلگىدەگى عيماراتتاردى تۇرعىزۋ قيىن بولعاندىقتان، نىساندار قۇرىلىسى جەرگىلىكتى اتقارۋشى ورگاندارمەن تىعىز بايلانىستا جۇرگىزىلۋدە. اپاتتى مەكتەپتەرگە قاتىستى، ءار مەكەمەنىڭ جۇمىس ۋاقىتى ءارتۇرلى ەكەنىن ەسكەرسەك، جىل سايىن جاڭا عيماراتتار سالۋ ماسەلەسى ارقاشان وزەكتى بولارى ءسوزسىز.» - دەيدى اكتوبە وبلىسى ءبىلىم باسقارماسى باسشىسىنىڭ ورىنباسارى ارتۋر اۋەزوۆ.