ءىس-شاراعا ورتالىق اپپارات باسشىلىعى، دەپۋتاتتار جانە پارلامەنتتىك فراكتسيانىڭ جەتەكشى ساراپشىلارى قاتىستى. كۇن تارتىبىندە پارتيا ستراتەگيالىق باعىتىنىڭ نەگىزگى ماسەلەلەرى مەن قوعامدىق بىرلەستىكتىڭ دامۋ پەرسپەكتيۆالارى قارالدى. پارتيا قۇرىلىمى مەن باسقارۋ جۇيەسىندە جوسپارلانىپ وتىرعان وزگەرىستەرگە، سونداي-اق، Respublica-نىڭ ەلدىڭ ساياسي جۇيەسىندەگى پوزيتسياسىن نىعايتۋعا باعىتتالعان ۇزاق مەرزىمدى ماقساتتاردى قالىپتاستىرۋعا ەرەكشە نازار اۋدارىلدى. سونىمەن قاتار، پارتيانى وڭىرلەرگە جاقىنداتىپ، ولاردىڭ وزەكتى ماسەلەلەرىن شەشۋگە باعىتتالعان باستامالار ازىرلەۋ ماسەلەلەرى تالقىلاندى. «Respublica – بۇل ارەكەت پارتياسى، بولاشاق پارتياسى. ءبىز ەلىمىزدىڭ بارلىق ازاماتى ءۇشىن ادىلەتتىلىك پەن قارقىندى دامۋدى قامتاماسىز ەتۋ ماقساتىندا ۇلكەن مىندەتتەر قويىپ وتىرمىز»، – دەپ اتاپ ءوتتى ايداربەك قوجانازاروۆ كەزدەسۋدى قورىتىندىلاي كەلە.