قما اقمولا وبلىسى بويىنشا دەپارتامەنتى پروكۋراتۋرانىڭ ۇيلەستىرۋىمەن ەلەكتروندىق تۇتىنۋ جۇيەلەرىن (ۆەيپتەردى), ولارعا ارنالعان حوش يىستەندىرگىشتەر مەن سۇيىقتىقتاردى زاڭسىز وتكىزۋمەن اينالىسقان قىلمىستىق توپتىڭ قىزمەتىن توقتاتتى.
ونىمدەردى وتكىزۋ الەۋمەتتىك جەلىلەردەگى ينتەرنەت-دۇكەندەر ارقىلى جۇزەگە اسىرىلىپ، جەتكىزۋ كۋرەرلىك قىزمەتپەن ۇيىمداستىرىلعان.
قاتىسۋشىلار زاڭسىز قىزمەتىن جاسىرۋ ماقساتىندا كونسپيراتسيا شارالارىن قولدانىپ، اقشا قاراجاتىن قابىلداۋ جانە قولما-قول اقشاعا اينالدىرۋ ءۇشىن دروپپەرلەردىڭ قىزمەتىن پايدالانعان.
قىلمىستىق تابىس كولەمى 221 ملن تەڭگەدەن استى.
سوت سانكتسياسىمەن كۇدىكتىلەرگە تيەسىلى پاتەر مەن اۆتوكولىككە تىيىم سالىندى.
ۇيىمداستىرۋشى قاماۋعا الىندى.
تەرگەپ-تەكسەرۋ جالعاسۋدا.
قازاقستان رەسپۋبليكاسى قپك-ءنىڭ 201-بابىنا سايكەس وزگە اقپارات جاريالاۋعا جاتپايدى.
ايتا كەتۋ كەرەك، جىل باسىنان بەرى قارجىلىق مونيتورينگ اگەنتتىگى ۆەيپتەردى زاڭسىز وتكىزۋ فاكتىلەرى بويىنشا 12 سوتقا دەيىنگى تەرگەپ-تەكسەرۋدى باستاعان.
زاڭسىز اينالىمنان 717 مىڭ دانا ءونىم تاركىلەندى.
قما ەسكەرتەدى: ۆەيپتەردى پايدالانۋ، اسىرەسە جاسوسپىرىمدەر مەن جاستار اراسىندا نيكوتينگە تاۋەلدىلىكتىڭ قالىپتاسۋىنا اكەلەدى. نيكوتين جۇرەك-قان تامىرلارى جانە جۇيكە جۇيەسىنە كەرى اسەر ەتىپ، سوزىلمالى اۋرۋلاردىڭ دامۋ قاۋپىن ارتتىرادى.
قر قما ءباسپاسوز قىزمەتى