ساحنادان ول استانالىقتارعا قوناقجايلىعى ءۇشىن العىس ايتىپ، سوڭعى كەلگەنىنەن بەرى استانانىڭ قالاي وزگەرگەنىن اتاپ ءوتتى، دەپ حابارلايدى ەلوردا اكىمدىگىنىڭ رەسمي سايتى.
«ءار ءان سايىن سىزدەرمەن بىرگە بيلەگىم كەلەدى. مۇندا سوڭعى رەت بەس جىل بۇرىن كەلگەن ەكەنمىن، سودان بەرى قالا كوركەيە تۇسكەن. ول كەزدە دە مەنى وتە جىلى قارسى العان ەدىڭىزدەر، ال قازىر ودان دا ىستىق ىقىلاسپەن كۇتىپ الدىڭىزدار. سىزدەردىڭ مادەنيەتتەرىڭىز قىزىعارلىقتاي، ءبىر-بىرىڭىزگە دەگەن سۇيىسپەنشىلىكتەرىڭىز بەن قولداۋلارىڭىز عاجاپ. مۇنى شىن جۇرەگىممەن سەزىپ تۇرمىن. مەن سىزدەردى جاقسى كورەمىن، ريزامىن، سىزدەردى باعالايمىن»، – دەدى ءانشى.
ونىڭ ونەرى كورەرمەندەرگە ەرەكشە اسەر قالدىردى: جۇرت قوشەمەت كورسەتىپ، سۇيىكتى ارتىستەرىمەن بىرگە ءان ايتىپ، بي بيلەدى.
ەسكە سالا كەتەيىك، ALEM FEST – قازاقستاندا وقيعالى ءتۋريزمدى دامىتۋعا ۇلەس قوساتىن اۋقىمدى مادەني جوبا.
فەستيۆال اياسىندا الەمدىك جانە قازاقستاندىق ساحنانىڭ جۇلدىزدارى ونەر كورسەتتى. ولار: Sadraddin, يولكا، Alem, IOWA, باند’ەروس، دومينيك دجوكەر جانە DJ Groove.