20 ساۋىردەن باستاپ قازاقستان رەسپۋبليكاسىندا ازاماتتىق قاۋىپسىزدىكتى نىعايتۋعا باعىتتالعان ماڭىزدى رەسپۋبليكالىق اكتسيا باستاۋ الدى. اتالعان شارانىڭ نەگىزگى ماقساتى – زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ازاماتتاردان ەرىكتى تۇردە قابىلداۋ ارقىلى قوعامدىق قاۋىپسىزدىكتى ارتتىرۋ، قۇقىق بۇزۋشىلىقتاردىڭ الدىن الۋ جانە حالىقتىڭ ءومىرى مەن دەنساۋلىعىن قورعاۋ. اكتسيا اياسىندا ءاربىر ازامات زاڭسىز ساقتالعان قارۋدى ەش كەدەرگىسىز جانە قۇقىقتىق سالدارسىز تاپسىرا الادى. بۇل باستاما – مەملەكەت پەن قوعام اراسىنداعى سەنىمدى نىعايتاتىن، جاۋاپكەرشىلىك پەن قاۋىپسىزدىك مادەنيەتىن قالىپتاستىراتىن ماڭىزدى قادام. ازاماتتاردىڭ ەرىكتى تۇردە قارۋ تاپسىرۋى ولاردىڭ اكىمشىلىك جانە قىلمىستىق جاۋاپكەرشىلىكتەن تولىق بوساتىلۋىنا نەگىز بولادى. بۇل – زاڭ تالاپتارىن ساقتاي وتىرىپ، قاۋىپسىز ورتا قالىپتاستىرۋعا مۇمكىندىك بەرەتىن ءتيىمدى قۇقىقتىق تەتىك. اكتسيا باستالعالى بەرى اباي وبلىسىندا بارلىعى 37 قارۋ قابىلداندى. ونىڭ ىشىندە 7 – ويىق، 29 – تەگىس ۇڭعىلى قارۋلار. وسىعان وراي، ازاماتتاردى اتالعان اكتسياعا بەلسەندى قاتىسۋعا شاقىرامىز. زاڭسىز ساقتالعان قارۋدان باس تارتىپ، قوعام قاۋىپسىزدىگىنە ءوز ۇلەستەرىڭىزدى قوسىڭىزدار. قاۋىپسىزدىك – ارقايسىمىزدىڭ ورتاق مىندەتىمىز.
اقپارات كوزى Polisia.kz سايتىندا: https://polisia.kz/abaj-oblysynda-azamattar-politsiyagha-37-qaru-tapsyrdy/