قىزىلوردا وبلىسىندا 10 تامىز – اباي كۇنىنە وراي «اباي مۇراسى – ۇلت رۋحانياتىنىڭ تەمىرقازىعى» اتتى وبلىستىق بايقاۋ ءوتتى.
شارا بارىسىندا قاتىسۋشىلار مەن قوناقتار «ادامزاتتىڭ ابايى» اتتى كورمە-ينستاللياتسيامەن تانىستى. كورمەدە ۇلى اقىننىڭ ءومىرى مەن شىعارماشىلىعى، فيلوسوفيالىق ويلارى مەن رۋحاني مۇراسى كەڭىنەن تانىستىرىلدى.
وبلىس اكىمىنىڭ ورىنباسارى قايرات ىرزاقۇلۇلى نۇرتاي بايقاۋعا قاتىسۋشىلاردى اباي كۇنىمەن قۇتتىقتاپ، ۇلى اقىن مۇراسىنىڭ جاس ۇرپاق تاربيەسىندەگى جانە ۇلتتىق رۋحانياتتى دامىتۋداعى ماڭىزىنا توقتالدى.
بايقاۋعا قىزىلوردا قالاسى مەن وبلىس اۋداندارىنان جوعارى جانە ورتا ارناۋلى ءبىلىم بەرۋ ۇيىمدارىنىڭ ستۋدەنتتەرى مەن جاستارىنان قۇرالعان 8 كوماندا قاتىستى.
اتاپ ايتقاندا:
«زەرتتەۋشىلەر» توبى – قىزىلوردا قالاسى;
«كىتاپ قۇرتتارى» توبى – قىزىلوردا قالاسى;
«سىر زەرەكتەرى» توبى – قازالى اۋدانى;
«حاكىم جولى» توبى – قارماقشى اۋدانى;
«جەڭىس» توبى – جالاعاش اۋدانى;
«ادىلەت» توبى – سىرداريا اۋدانى;
«مۇراگەر» توبى – شيەلى اۋدانى;
«جالىن» توبى – جاڭاقورعان اۋدانى.
قاتىسۋشىلار ابايدىڭ قارا سوزدەرىن مانەرلەپ ايتۋ، اقىننىڭ ءومىرى مەن شىعارماشىلىعىنا قاتىستى سۇراقتارعا جاۋاپ بەرۋ، «اباي جولى» رومان-ەپوپەياسى بويىنشا قويىلىم كورسەتۋ جانە اباي اندەرىن ورىنداۋ كەزەڭدەرىندە ءوز بىلىمدەرى مەن شىعارماشىلىق قابىلەتتەرىن سىنعا سالدى.
بايقاۋ قورىتىندىسى بويىنشا:
ء ى ورىن – قازالى اۋدانىنىڭ «سىر زەرەكتەرى» توبى;
ء ىى ورىن – جالاعاش اۋدانىنىڭ «جەڭىس» توبى;
ء ىىى ورىن – جاڭاقورعان اۋدانىنىڭ «جالىن» توبى يەلەندى.
جەڭىمپازدار مەن جۇلدەگەرلەرگە ديپلومدار، العىس حاتتار جانە باعالى سىيلىقتار تابىستالدى.
ايتا كەتەيىك، اباي كۇنىنە وراي وبلىس كولەمىندە ۇلى اقىننىڭ رۋحاني مۇراسىن دارىپتەۋگە جانە شىعارماشىلىعىن كەڭىنەن ناسيحاتتاۋعا باعىتتالعان بىرقاتار ءىس-شارالار ۇيىمداستىرىلۋدا.
#ابايكۇنى
#AbaiDAY