شىمكەنت قالاسىنىڭ ءال-فارابي اۋدانى اكىمى اپپاراتىنىڭ باسشىسى، ءوزىنىڭ قىزمەتتىك لاۋازىمىن پايدالانىپ، جشس ديرەكتورىمەن جانە قۇرىلتايشىسىمەن الدىن الا ءسوز بايلاسۋ ارقىلى بيۋدجەت قاراجاتىن جىمقىرۋ ارەكەتىنە بارعانى انىقتالدى.
كۇدىكتىلەر قوقىس جاشىكتەرى، شاعىن بەسەدكالار، اتكەنشەكتەر، ويىن جانە ترەناجەر الاڭدارىن قوسا، تۇرعىن ۇيلەردىڭ اۋلاسىن اباتتاندىرۋ جۇمىستارىن جۇرگىزۋ ءۇشىن، ماتەريالداردىڭ قۇنىن كوتەرىپ سمەتالىق قۇجاتتار جاساعان. وسى ءىس-ارەكەتتەردىڭ ناتيجەسىندە 700 ملن تەڭگەگە جۋىق مەملەكەتتىك مۇلىك تالان-تاراجعا تۇسكەن.
سونىمەن قاتار، جشس ديرەكتورى مەن قۇرىلتايشىسى دەكلاراتسيالارعا جالعان مالىمەتتەر ەنگىزۋ ارقىلى سالىق تولەۋدەن جالتارعان. قابىلدانعان شارالار ناتيجەسىندە 194 ملن تەڭگەدەن استام سالىق بەرەشەگى تولىق وتەلدى.
سوت ۇكىمىمەن ءۇش ايىپتالۋشى كىنالى دەپ تانىلىپ، 8 جىلعا باس بوستاندىعىنان ايىرۋعا سوتتالدى.
ۇكىم زاڭدى كۇشىنە ەنگەن جوق.
قما قوعامداعى زاڭدىلىق پەن ءتارتىپتى قامتاماسىز ەتۋ، ەكونوميكالىق جانە قارجىلىق قۇقىق بۇزۋشىلىقتارعا قارسى ءىس-قيمىل بويىنشا بەلسەندى جۇمىستى جالعاستىرۋدا.
ەگەر ەكونوميكالىق قۇقىق بۇزۋشىلىقتار تۋرالى مالىمەتتەرىڭىز بولسا، «افم Insider» تەلەگرام-بوتىنا حابارلاسىڭىز.
انونيمدىلىك كەپىلدەنگەن.
فوتو اشىق دەرەككوزدەردەن الىندى