2026 جىلعى 1-شاقىرىلىممەن كەلگەن جاس ساربازداردى اسكەري ورتاعا بەيىمدەۋ ماقساتىندا قازاقستان رەسپۋبليكاسى ۇلتتىق ۇلانىنىڭ 5547 اسكەري بولىمىندە «العاشقى قىزمەت كۇنى» اتتى تاربيەلىك ءىس-شارا ۇيىمداستىرىلدى.
ءىس-شارانىڭ ماقساتى – جاس تولىقتىرۋدى اسكەري ءبولىمنىڭ تىنىس-تىرشىلىگىمەن تانىستىرۋ، اسكەري قىزمەتتىڭ ەرەكشەلىكتەرىن ءتۇسىندىرۋ، اسكەري ءتارتىپ پەن جارعى تالاپتارىن مەڭگەرتۋ، سونداي-اق ولاردىڭ بويىندا وتانعا دەگەن سۇيىسپەنشىلىك پەن پاتريوتتىق رۋحتى قالىپتاستىرۋ.
ءىس-شاراعا ءبولىم كومانديرى پودپولكوۆنيك ج. بەركەنوۆ، ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پودپولكوۆنيك ب. كارامانوۆ، سونداي-اق زاپاستاعى سەرجانت، اسكەري ارداگەر اسلىبەك ەربوشاەۆ قاتىستى.
جيىن بارىسىندا ءبولىم كومانديرى پودپولكوۆنيك ج. بەركەنوۆ جاس ساربازدارعا اسكەري قىزمەتتىڭ مارتەبەسى مەن جاۋاپكەرشىلىگى تۋرالى ايتىپ، وتانعا ادال قىزمەت ەتۋ – ءاربىر ازاماتتىڭ قاسيەتتى بورىشى ەكەنىن اتاپ ءوتتى. سونىمەن قاتار، ول اسكەري ورتادا «زاڭ مەن ءتارتىپ» قاعيداتىن قاتاڭ ساقتاۋ – جاۋىنگەرلىك دايىندىقتىڭ، قاۋىپسىزدىك پەن بىرلىكتىڭ نەگىزى ەكەنىن اتاپ ءوتىپ، ساربازداردى اسكەري ءتارتىپتى مۇلتىكسىز ورىنداۋعا، جۇكتەلگەن مىندەتتەرگە جاۋاپكەرشىلىكپەن قاراۋعا جانە اسكەري انتقا ادال بولۋعا شاقىردى.
ءبولىم كومانديرىنىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى پودپولكوۆنيك ب. كارامانوۆ اسكەري بولىمدەگى كۇن ءتارتىبى، اسكەري قىزمەتشىلەردىڭ قۇقىقتارى مەن مىندەتتەرى، اسكەري ءتارتىپ پەن قاۋىپسىزدىك تالاپتارى جونىندە ءتۇسىندىرۋ جۇمىستارىن جۇرگىزىپ، «زاڭ مەن ءتارتىپ» قاعيداتىنىڭ كۇندەلىكتى قىزمەت بارىسىندا ساقتالۋىنىڭ ماڭىزدىلىعىنا ەرەكشە توقتالدى.
ءوز كەزەگىندە ارداگەر زاپاستاعى سەرجانت اسلىبەك ەربوشاەۆ جاس ساربازدارمەن ومىرلىك جانە قىزمەتتىك تاجىريبەسىمەن ءبولىسىپ، اسكەري قىزمەتتىڭ ادامدى شىڭدايتىن، جاۋاپكەرشىلىك پەن وتانسۇيگىشتىككە تاربيەلەيتىن ۇلكەن مەكتەپ ەكەنىن اتاپ ءوتتى. ول جاستارعا ەلگە ادال قىزمەت ەتىپ، اسكەري ءبولىمنىڭ ابىرويىن بيىك ۇستاۋعا تىلەكتەستىك ءبىلدىردى.
ءىس-شارا سوڭىندا جاس ساربازدارعا ءساتتى قىزمەت، مىقتى دەنساۋلىق، قايسارلىق پەن تاباندىلىق تىلەپ، ولاردىڭ اسكەري ۇجىمعا تەز بەيىمدەلىپ، ناعىز وتان قورعاۋشىسى بولىپ قالىپتاساتىنىنا سەنىم ءبىلدىرىلدى.
مۇنداي تاربيەلىك ءىس-شارالار جاس ساربازداردىڭ اسكەري قىزمەتكە قىزىعۋشىلىعىن ارتتىرۋعا، پاتريوتتىق ساناسىن قالىپتاستىرۋعا، «زاڭ مەن ءتارتىپ» قاعيداتىن بەرىك ۇستانۋىنا جانە اسكەري ۇجىمعا بەيىمدەلۋىنە وڭ ىقپال ەتەدى.