Küdıktıler 2022 - 2024 jyldar aralyǧynda ūiymdasqan qylmystyq top qūryp, «bingo37.pro» platformasy arqyly zaŋsyz oiyn biznesın basqarǧan.
Qatysuşylardan aqşalai bästı operatorlar banktık audarym arqyly qabyldaǧan, sodan keiın olardy platformaǧa tırkep, oiynǧa qatysu üşın login, parol jäne sılteme ūsynǧan.
Qylmystyq tabysty zaŋdastyru maqsatynda küdıktıler droptardy — köldeneŋ adamdardy tartyp, olardyŋ atyna bank kartalaryn räsımdegen. Aqşanyŋ qylmystyq ızın jasyru maqsatynda osy kartalar arqyly olar qomaqty aqşa somalaryn qolma-qol aqşaǧa ainaldyryp otyrǧan.
Zaŋsyz onlain-kazinonyŋ qyzmetınen kün saiyn 150 000 teŋgeden 200 000 teŋgege deiın aqşa tüsıp otyrǧan.
Toptyŋ jalpy qylmystyq tabysy 306 million teŋgeden asqan.
Qarjylyq tergeu barysynda küdıktıler zaŋsyz alynǧan aqşaǧa jalpy qūny 66 million teŋgenı qūraityn «Toyota Land Cruiser» jäne «Lexus EC 250» markaly ekı avtokölık alǧany anyqtaldy. Osy kölıkterdı tärkıleu mümkındıgınen jasyru maqsatynda senımdı adamdardyŋ atyna räsımdegen.
Sottyŋ sanksiiasymen atalǧan avtokölıkterge tyiym salyndy.
Ūiymdastyruşylarǧa qatysty sot küzetpen ūstau türındegı būltartpau şarasyn taŋdady.
Sotqa deiıngı tergeu jalǧasuda.
QR QPK 201-baby boiynşa tergeu müddesı üşın basqa aqparattyŋ taratyluyna tyiym salynǧan.
Qūrmettı azamattar, Qarjylyq monitoring agenttıgı banktık kartalar men şottardy paidalanu arqyly zaŋsyz shemalarǧa qatysqany üşın jauapkerşılıkke tartylu qaupı bar ekenın eskertedı.
Kümändı qarjylyq operasiialarǧa qatysudan saq boluǧa şaqyramyz.
Eger sızge qarajat audarǧanyŋyz üşın jeŋıl tabys ūsynsa, būl qylmystyq shemanyŋ bölıgı boluy mümkın. Mūndai jaǧdailarda barlyq bailanystardy toqtatyp, qūqyq qorǧau organdaryna habarlauyŋyz qajet.
QMA Baspasöz qyzmetı